بيوغرفيا ھەلبەستڤان ئارشەڤێ ئۆسکان

ھۆزان ئەمین-وێژەیا کوردی ھەلبەستڤان و نڤیسکارەکی خوەیی دن ژی وندا کر ، پشتی کێمی ھەیڤەکێ ب سەر کۆچا ھەلبەستڤان ئارژەن ئاری ، ب دلەکی خەمگین رەوشەنبیر و وێژەھەزێن کوردی نووچەیا ئۆخرکرنا ھەلبەستڤان و دلسۆزێ پەیڤ و زمانێ کوردی ئارشەڤێ ئۆسکان ژی بھیستن، کو د شەڤا (٢٥.١١.٢٠١٢)  ل باژارێ ھامبورگێێ ئالمانیا ، پشتی دەمەک درێژ ژ نەخوەشیێ جاڤێ خوە ل ژیانێ گرت و ژیانا خوە وندا کر.

ئارشەڤ ئۆسکان د سالا ١٩٦٧ دە ژ دایک ببوو،  ل گوندێ بیرکنێسێ ل باژارێ دربێسیێ ل رۆژاڤایێ کوردستانێ ، خوەندنا خوەیا سەرەتایی  ل گوندێ خوە قەداند،پاشێ بەرێ خوە دا  باژارێ دربێسیێ و ھەروەھا ئامادەیی ل باژارێ الحسكه. د سالا ١٩٨٨ ب داوی ئانیە.

ئارشڤن زوو ھەزا گۆتنا کوردی و رحێ ھەلبەست نڤیسێ پێرە خویا کرنە ، و یەکەم دیوانا خوەیا ھەلبەستێ  ب ناڤێ  “ھێڤیێن بریندار“ دە، سالا ١٩٩٥ چاپ و بەلاڤ کریە . و دوەم بەرھەما وی ب ناڤێ “کێ گول چنی؟“ د سالا ١٩٩٩  دە چاپ  بوویە.

ژ بەر ھەز و ھێزا وی یا نڤیسینێ گەلەک بوو ، و شێوەیێ نڤیسینا خوە بەر ب نووژەنیێ ڤە پێش خست ،و د بەرھەما خوەیا سسیان دە خوەش دیار بوویا ب ناڤێ  “بەربانگ قەدەخەیە“ سالا ٢٠٠١ ھاتە دەر.

 ئارشەڤ ھەلبەست نڤیسین تەنێ تێرێ نەدکر و تینا وییا رەوشەنبیری و ئەدەبیاتی نەدشکاند لۆما د سالا ٢٠٠١  دە بەرێ خوە دا کارێ رۆژنەمەگەری و تەڤی وان شەرت و مەرجێن دژوار کو ژ ئالیێ رێژیما سووریێ دە دھات دانین سەر ھەر کار و خەباتەکێ د خزمەتا نەتەوا کورد ژی تەڤی چەند برادەران دەست ب وەشاندنا کۆڤارا زەڤی ( رەوشەنبیری سەربخوە بوو) دە کرن کو ئەو سەرنڤیسکارێ وێ بوو، و تەڤی بێ ئمکانێن ئابووری و وان شەرتێن دژوار کاریبوو ١٠ ھەژمارا ھەیا داویا سالا ٢٠٠٣  دە بەلاڤ بکن.

و ژ بەر ئمکانێن  مانا وی ل وەلات نامینە نەچار دبە بەرێ خوە بدە ژیانا خەریبیێ و تەرکا مالبات و زارۆکێن خوە کر و د ریێن دژوار رە دەرباسی ناڤا ئاخا ئەوروپا دبە و ل وەلایێ ئالمانیا نشتەجی دبە، و کۆڤرا زەڤی  ژی رادوەستە.

د ڤێ دەربارێ دە ئارشەڤ د ھەڤپەیڤینەکە خوە دە دبێژە “ زەحمەتترین سالێن د ژیانا وی دە د ناڤبەرا سالێن ٢٠٠٠- ٢٠٠٥ ژ بەر وندا کرنا دێ و بابێ خوە، و راوەستانا کۆڤارا زەڤی و دەرکەتنا ژ دەرڤەیی وەلات و دوورکەتن ژ مالبات و خزم و کەسووکارێن خوە، لێ ئەو دبێژە دڤێ مرۆڤ خوەدی باوەری بە، دا کو بسەربکەڤە”. 

بەلێ ئارشەڤ ئاسۆیێ وییێ رەوشەنبیری نە تەنە د ھەلبەست و گۆتاران دە رادوەستە ، نا! ل ئەوروپا  بەرێ خوە ددە نڤیساندنا چیرۆکان ژی و گۆتاران د رۆژناما و کۆڤار و مالپەرێن کوردی دە بەلاڤ دکر.

 و خەباتێن خوەیێ وەژەیی ددووماند و به رهه ما خوەیا ب ناڤێ " خەونستان  " د سالا ٢٠١٠  دە بەلاڤ دکە، و بەردەوام دکە د نڤیسێ دە ھەیا کو رۆمانا خوەیا ب ناڤێ " کەشتیا پەنابەران  " د وى سالى ده سالە دە دەردخە ، کو بەحسا ژیانا کۆچبەریێ و زەھمەتیێ خۆرتێن کورد دبینن د ریا کۆچبەریێ دە و ژیانا چەند خۆرتێن کورد ل وەلاتێ ئەوروپا کو پشتی سەرھلدانا ئادارا ٢٠٠٤  ل رۆژاڤا روودابوو ژ بەر بئ ئەولەیی بەرێ خوە ددن ئەوروپا و ژیانا وان رادخە بەر چاڤان، ھەیا کو بەرھەما خوەیا داوی کو د سالا ٢٠١٢   دە چاپ و بەلاڤ دکە ، ئەو ژی دیوانا ھەلبەستێ ب ناڤێ " ئاوازێن ئەڤینێ  " کو ھن ھەلبەستێن خوەیێ کەڤن و نوو تێدە بەلاڤ کربوون و گەلەک ھەلبەستێن کو دبوون ستران و گەلەک ھونەرمەندان ئاواز ژێرە دانینە و ب ئاوایەکی ھونەری خوەش گۆتنە.

 ئارشەڤێ ئۆسکان یەک ژ خەمخورێن پەیڤ و زمانێ کوردی بوو و ل درێژایا ٢٥ سالان خزمەت دڤی بواری دە کرن ، و وەختەک کو گەلەک پێدڤیا ملەتێ کورد ب کەسایەتیێن وەھا ھەبوو ، ئۆخر کر ، و ل شوون خوە گەلەک بەرھەمێن نە چاپ کری ھشتن ھێڤیا ئەو بوو کو رۆناھیێ ببینن بەری کو کۆچ بکە، مینا ،پرتووکەک ژ چیرۆکێن داھینانی-  ھەلبەستێن نووژەن- ھەلبەستێن کلاسیک- شەڤبوھێرکێن ھامبورگێ. دیالۆک ب کەک ھوسێن دۆزەن رە-و پرتووکەک سەرپێھاتیێن وی ل ئالمانیایێ و ھەر وەھا ل پشت خوە سێ زارۆک ژی ھشتن ، (ئەیاز، نەیاز و ئامەد)، و ھەر وەھا ھەزکریێن خوە ژییێن کو وی قەت ژ بیر ناکن.

وار