جوان حاجو:دژيێ 14 ساليێ دا من كاسێته‌ك به‌رهه‌م ئينا .
بۆ جارا ئێكێ پشتي ئه‌م شيايين په‌وه‌نديێ ب هونه‌رمه‌ند جوان حاجوي را بكه‌ن ب هه‌لكه‌فتا (9)ساليا رۆژناما ئه‌ڤرۆ و ل ده‌ستپێكا په‌يوه‌نديێ جوان حاجوي پيروزباهيێن خوه ئاراسته‌ي گشت ستافێ رۆژنامه‌يا ئه‌ڤرۆ كرن .
ل ده‌ستپێكێ سه‌ره‌راي پيروزباهيان ب رێكا تله‌فونان گۆت: هيڤيا من ئه‌وه كو هين ب رێكا تله‌فونێ ڤێ پيروزباهيێ ژ من قه‌بول بكه‌ن و ديسان خوزي شيابم ب ده‌ستێن گولا من سه‌ره‌دانا هه‌وه كربا و هزار گول ل باژێرێ دهوكێ پێشكێشي هه‌وه كربان.
پاشان هونه‌رمه‌ند جوان حاچو داخوازا فرێكرنا مالپه‌ري ژ مه كر و پشتي سه‌حكريه مالپه‌ري و ئه‌رشيفێ ئه‌ڤرۆ ، كه‌يف خوش تر لێ هات و دبێژيت : هيڤيا من ئه‌وه گشت رۆژنامه‌يێن باشورێ كوردستانێ بشێن ب لاتيني خزمه‌تا هه‌موو كوردان بكه‌ن چنكو نوكه پتريا كوردان لاتيني بكار دئينن و ئه‌گه‌ر ئه‌ڤ چه‌نده د مالپه‌ر و رۆژنامه‌يا هه‌وه دا نه‌با ئيك په‌يڤ ژي ئه‌ز نه‌دشيام بخوينم و ب هيڤيا وێ چه‌ندێ ل نێزيك ئه‌ڤرۆ ب بينم ل هه‌موو كوردستانێ.
جواني گۆت ئه‌ز دێ تنێ ل سه‌ر دوماهيك كارێ خوه ئه‌وژي ئه‌لبۆما خوه يا(ڤه‌گه‌رێ)بشێم هه‌ر پرسياره‌كا ته هه‌بيت به‌رسڤ بده‌م ژ به‌ركو تا نوكه و تايبه‌ت پشتي به‌لاڤكرنا وێ ئه‌لبۆمێ من چ چالاكي و كارێن نوو ئه‌نجام نه‌داينه.
جوان ل سه‌ر ڤه‌گه‌را خوه يا كو ژ ئاليێ كۆمپانيا سۆني ڤه هاته ده‌رئخستن دبێژيت: ده‌ما كو ده‌ست ب ته‌مبوورێ كر، من گه‌له‌ك گوهداري يا راديۆيا دياربه‌كرێ دكر، هنده‌ك سترانيێن خوش ژ لايێ خويشكا من ديلبه‌رێ ڤه دهاتنه گۆتن و نڤێساندن، هنده‌ك ژي من دنڤێسان. ده‌ما كو ته‌مه‌نێ من 14 سال من كاسێته‌ك ب ناڤێ ئه‌مينه ئه‌مينه ده‌رخست. گه‌له‌ك سترانێن د ڤێ ئالبومێ دايێن وان ده‌مانن بۆن.
ئه‌ز هه‌ر ده‌م پرسيار دكه‌م ئه‌رێ گه‌لۆ جوان بێريا شێوازێ خوه‌يێ به‌رێ دكه‌ت و ب درێژي دبێژيت:
مافێ منه ئه‌ز بێريا به‌رێ بكم. ئه‌ز وه‌كه به‌رێ مه، و ژ به‌رێ دووير نه‌كه‌تيمه. ئه‌ز د به‌رهه‌مێن خوه‌يێن نوو ده، هه‌ر ده‌مێ سترانێن خوه‌يێن به‌رێ دبێژم، سترانێن كو من د 14-15 ساليا خوه ده دگۆتن. ل ئالبۆما منيا (ئۆف )گوهداري بكه، سترانا وه‌لاتێ من تێدا يه، ئه‌و ستران كه‌ڤنه. من چ جاران خوه ژ بنگه‌ها خوه بخوه دوور نه‌خستيه. لێ بێيێ مۆده‌رنيزمێ ژي چێنابه.
ل سه‌ر پرسياره‌كا مه ئه‌رێ بوچ گه‌له‌ك گوهدار و حه‌شێكه‌رێن جوان حاجوي پرسيارا وي دكه‌ن و كێم كونسێرتان دكه‌ت جواني گۆت:خه‌لكي حه‌سدكر و پرسيا من دكر، لێ ب راستێ ئێدي ئه‌م ب خه‌لكێ خوه ره بوونه وه‌كه مالباته‌كێ،و چ پارچه‌يێن كوردستانێ و ديسان ژي چ جهه‌ك ل دونيايێ مه مايه من سه‌ره‌دانا وان نه‌كري و چ كونسێرت بۆ وان ساز نه‌كري و ئه‌گه‌ر يێ ديارژيك نه‌بم ئه‌و دياره چ د ده‌تسێن مندا نينه.
د ڤان سالێن دوماهيێ دا جوان حاجۆ گه‌له‌ك سه‌ره‌دانا تركيا و باكورێ كوردستانێ دكه‌ت،نه ته‌نێ د ناڤا كوردان دا، ئه‌و د ناڤا گه‌لێ تركيا دا ژي گه‌له‌كێ به‌رنياسه . جوان حاجۆ ئێك ژ وان هونه‌رمه‌ندێن كورديێن ناڤداره بۆچ راگه‌هاندنا تركيا گه‌له‌ك گرنگيێ د ده‌ته ته بۆ هاتنا تركيا .
جوان دبێژيت: ئه‌ز حه‌ش ژ ئسته‌نبولێ ژي دكه‌م ، ب ميليۆنان كورد ل ئسته‌نبولێ ژي دژين، و ئه‌ز گه‌له‌ك ژي ل وێرێ دمينم ، لێ راگه‌هاندنا وێ كه‌سێن ژ هه‌ژي د راگه‌هاندنا خودا ژ هه‌ژي دبينيت له‌وران گرنگيێ پێ د ده‌ت نه ئه‌ز وه‌كو كه‌س خوه دبينم ب ڤێ چه‌ندێ لێ دبێژم راگه‌هاندنا وان ب جێواز دبينم ژ يا هه‌موو جيهانێ ژبه‌ركو تو قه‌ت باوه‌ر نه‌كه ئێك كه‌س بهێـته دناڤ تركيا دا و كاره‌كي بكه‌ت ئه‌گه‌ر راگه‌هاندنا وان هه‌موو نه‌زانيت.
تێكليه‌كه تايبه‌ت د ناڤبه‌را ته و هوليا ئاڤشار دا هه‌يه؟ ئه‌گه‌ر هه‌بيت ژي تێكهه‌ليا هه‌وه ل چاوايه و ل چ ئاسته ؟.
جوان حاجو په‌سنا هوليا دكه‌ت و دبێژيت:ئه‌و هه‌ڤاله‌كه منه، دۆسته‌كه منه، ژنه‌كه باشه، و گه‌له‌ك كه‌يفا من ب وێ تێت. ئه‌ز راستي بوته بێژم دلبخوين، نه‌شێم ب هه‌ر مرۆڤه‌كي را كار بكم. من ديت كو ئه‌ز و هوليا ئه‌م دشێن پيكڤه كار بكه‌ين. گه‌له‌ك كه‌س پرسيار دكه‌ن بوچي ته و هوليا ئه‌ڤ ئالبۆم چێكر؟“ هوليا ب ئه‌سلێ خوه كورده، من ديت دخوازيت خزمه‌ته‌كێ ژي پێشكێشي گه‌لێ خوه بكه‌ت و سترانه‌كا كوردي گۆت گه‌له‌ك ب دلێ من و دلێ وێ بۆ ، لێ گۆتنا سترانا كوردي ب داخوازا هوليايێ بۆ لێ منژي دخاست ئه‌ز وێ سترانێ بێژم .
جوان حاجۆ ل سه‌ر ڤه‌گه‌ريانا خوه بو وه‌لاتێ خوژي دبێژيت: ئه‌ز گه‌له‌ك و گه‌له‌ك بيريا وه‌لاتێ خوه دكه‌م و دخوازم بزڤرمه وه‌لاتێ خوه‌ژي، لێ به‌لێ راستيه‌كه ديژي هه‌يه، ئه‌ڤ 33 سالن ئه‌ز ل ئه‌ورۆپامه، دو كه‌چێن من هه‌نه، ئه‌و هێشتازارۆكن، ئه‌ز نه‌شێم نوكه بێژم ئه‌ورۆپا خه‌لاس و ئه‌ز دێ زڤرمه كوردستانێ. ئه‌و ژ گه‌له‌ك ئاليان ڤه ب ئه‌ورۆپا ڤه گرێدايمه.
ديسان جوان به‌رده‌وامي دا ئاخفتنا خوه و گۆت: كوردستان هه‌م خه‌ونا منه، هه‌م ژي ئارمانجا منه. هه‌تا مرنێ ئه‌و دێ دگه‌ل مندا بيت. نه مومكينه ئه‌ز ده‌ست ژ ڤێ مه‌سه‌له‌يێ به‌ردم.
ئه‌ز ژ سالا 1979 دا ژ وه‌لاتێ خوه ده‌ركه‌تيمه، ئه‌ز هزرا زارۆكاتيا خوه دكه‌م، هزرامرۆڤێن خوه دكه‌م و پتر جوان دبێژيت:ئه‌ز جاره‌كيێ چوومه قامشلۆ، و پشتي هنگي رێك نه‌دا من و ئه‌ز ژ وێري هاتيمه قه‌ده‌غه‌كرن لێ ديسان دێ ل نێزيك رێك ل مه هێته ڤه‌كرن و دێ ب ئازادانه سه‌ره‌دانا وان جهان كه‌ينه ڤه . ژبه‌ركو ئه‌ڤه ژ 1993 و هێڤه ئه‌ز نه‌چوويمه رۆژاڤايێ كوردستانێ. ل هه‌ر جهه‌كێ كوردستانێ ناس و دۆستێن مه لێ هه‌نه. ڤێ چه‌ندێ ديسا ژي مرۆڤ بێريا كه‌س و كار و مرۆڤێن ده‌ڤه‌را خوه دكه‌ت.
ئه‌ڤرۆ: كاوين جهياد ته‌حلاڤي:
- 4154 خوێندنەوە
