رۆژا جلكێن نه‌ته‌وه‌ييه
رێڤه‌به‌رێ راگه‌هاندنا وه‌زاره‌تا په‌روه‌رده‌يا حكوومه‌تا هه‌رێما كورستانێ راگه‌هاند كو وه‌زاره‌تا په‌روه‌ردێ بريار دايه سوبه‌هي 8/3 رۆژا جلكێن نه‌ته‌وه‌ييه.
ئيسماعيل به‌رزنجي رێڤه‌به‌رێ راگه‌هاندنا وه‌زاره‌تا په‌روه‌رده‌يا حكوومه‌تا هه‌رێما كورستانێ بۆ رۆژنامه‌يا ئه‌ڤرۆ ديار كر كو ل دووڤ بڕيارا وه‌زاره‌تا په‌روه‌رده‌يا هه‌رێمێ سوبه‌هي رۆژا پێجشه‌مبي مامۆستا و قوتابي دي ب جلكێن خۆ يێن نه‌ته‌وه‌يي ده‌وامێ بكه‌ن و گۆت:( ل به‌رخوكرنا جلكێن كوردي ل دووڤ حه‌ز و ڤيانێ يه نه ب زۆري يه).
به‌رزنجي ئه‌و يه‌ك ژي ئاشكرا كر ئارمانجا وه‌زاره‌تا په‌روه‌ردێ ژ ڤێ يه‌كێ ئه‌وه كو مامۆستا و قوتابي د ڤێ رۆژێ دا ده‌ربڕينێ ژ نه‌ته‌وه‌يێ خۆ بكه‌ن و بسه‌لمينن كو كوردستان وه‌لاتێ هه‌ڤدو قه‌بوولكرن و ئاشتي و لێبۆرينێ يه و گۆت:( هه‌ر كه‌سه‌كێ ئازاده چ جۆره جلكه‌كێ كوردي بكه‌ته به‌رخۆ).
رێڤه‌به‌رێ راگه‌هاندنا وه‌زاره‌تا په‌روه‌رده‌ێ خويا ژي كر كو نه‌مه‌رجه رۆژا جلكێن نه‌ته‌وه‌يي ببيته نه‌ريته‌كێ سالانه، به‌لێ بۆ ئه‌ڤ ساله بڕياره و دێ هێته ساخكرن.
مامۆستا و قوتابي دلخۆشن ب ساخكرنا رۆژا جلكێن نه‌ته‌وه‌يي و دخوازن هه‌ر سال ئه‌ڤ رۆژه بهێته ساخكرن و جلكێن كوردي بكه‌نه به‌رخۆ.
ژڤان بوو رۆژا 10/3 ببيته رۆژا جلكێن نه‌ته‌وه‌يي، لێ ژ به‌ر بهێنڤه‌دانێن ئادارێ، رۆژا 8/3 بۆ ڤێ چه‌ندێ هاته ده‌ستنيشانكرن.
ئه‌ڤرۆ، ئازاد نسري:
- بۆچوونێکی نوێ بنووسه
- 3684 خوێندنەوە
