شانۆیا مەم و زینێ ل قەسرا جەمیل پاشا ھاتە نیشاندان

ل قەسرا مالا جەمیل پاشا ل دیاربەکر-ئامەد شانۆیا مەم و زین چەند ئێڤارەیا ھاتە نیشاندان، ب بەشداریا قەلەبالخەک مەزن ژ تەماشەڤانان، شانۆیێ کو نە ب ئاوایێ سەحنێ و ل سەر دکێ ھاتە لیستن لێ بەلێ ب ئاوایێ فیلم ل گەلەک جیھ و دەڤەرێن قوناخێ ھاتە لیستن کو ئەو جھ گەلەک نێزیکی بورجا بەلەک ب بەرێ خوەیی سپی و رەش کو قەسرا میر زەیندین بوو و چیرۆک و گەلەک بویەرێن دەستانا مەم و زینێ و ئەڤینا وان ل ور روو دابوو.

ب ئاوایەکی گەلەک بالکێش و ب رۆناھی و دەنگ و مووزیکا زندی ھەر وەھا ب لستکڤانێن گەلەک ژێھاتی و زیرەک یێن شانۆیا باژێرڤانیا دیاربەکرا مەزن گەلەک سەرکەفتى ھاتە نیشاندان.

رۆلا زین ژ ئالیێ ھونەرمەند زەلال گۆکچە و مەم ژی ژ ئالیێ عەلی تەکباش ڤە ھات لیستن، ب ئاوایێ ستران و موزیکا زندی گەلەک رۆلا خوە خوەشک لیستن ھەر وەھا لیستکڤان کەمال ئولسۆی کو ب رۆلا میر زەیندین بەگێ بۆتان دلیست گەلەک سەرکەفتی بوو ھەر وەھا تەڤای لیستکڤان ب رۆلە خوە وەک فلم د ناڤا کوچ و ژۆرەیێن قەسرێ دە ب بالداری دھاتن شۆپاندن.

شانۆ ژ دەرھێنەریا روکنەدین گون و شیرۆڤەیا کورمانجیا ئیرۆ ژی ژ ئالیێ نڤسکار کاوا نەمر ڤە ھاتیە کرن، ھەروھا گۆتنێن سترانان شێخمووس سەفەر نڤیساندنە و ھاتە گۆتن کو وێ ھەول وەرە داین کو ئەڤ شانۆ ل بورجا بەلەک ل جزیرا بۆتان جھێ بویێرە و قەسرا اسحاق پاشا ل بایەزیدێ وەرە نیشاندان.

ھۆزان ئەمین - ئامەد