ناديا موراد خەلاتا ئاشتییا نۆبەلێ یا ٢٠١٨ان وەرگرت

بزاڤکارا مافێن ئێزیدییان ناديا موراد خەلاتا ئاشتییا نۆبەل ێیا ٢٠١٨ ان وەرگرت. کۆمیتەیا نۆبەلێیا نۆروێجی راگھاند کو موراد ژبۆ خەباتێن خوەیێن قەداندنا توندییا سەکسی، ھات خەلات کرن.

دۆکتۆرێ کۆنگۆیی دەنس موکوەگە ژی، کو ئالیکارییا قوربانییێن توندییا سەکسی دکە، ب موراد رە ھێژایی وێ خەلاتێ ھاتە دیتن.

“ناديا موراد دیدەڤانەکە کو دژی توندی و تووژییێن دژی خوە و دژییێن دن تێکۆشینێ ددە. خەباتێن وێ بوون ئالیکار کو توندییا سەکسییا دەما شەران پرتر ل پێش چاڤان بن، دا کو بەرپرسێن وان رەفتارێن خراب ھەسابێ وان زێدەگاڤییا بدن،” کۆمیتەیا نۆبەلێیا نۆروێجی گۆت.

موراد، د سالا ٢٠١٤ ان دە، د ٢١ سالییا خوە دە ژ ئالییێ دەولەتا ئیسلامی (داش) ڤە ل گوندێ خوە کۆچۆ ھاتبوو رەڤاندن و راستی گەلەک رەفتارێن خراب ھاتبوو.

دایکا موراد و ٦ برایێن وێ، ب ئێزیدییێن دن رە کو نەخوەستبوون ب دارا زۆرێ ببن مسلمان، ژ ئالییێ ئەندامێن داشعێ ڤە ھاتبوون کوشتن.

موراد و ژنێن دنیێن گوندێ وێ ژ ھێلا ئەندامێن داشعێ رە ھاتبوون رەڤاندن و گەلەک جاران وەک کۆلەیێن سەکسێ ھاتبوون فرۆتن.

وێ، د سالا ٢٠١٧ ان دە پرتووکا ب ناڤێ “قیزا داوی  (The Last Girl)چاپ کربوو کو تێ دە قالا سەربۆرییێن خوە و دەما دیلبوونا خوەیا د دەستێ داشعێ دە دکە.

ھێژایی بالکشاندنێیە کو موراد بەرێ ژی خەلاتا ساکھارۆڤیا پارلامانا ئەوروپی وەرگرتبوو.