ناڤه‌ندا خانی ل دوهۆکێ در.به‌درخان سندی خه‌لات کر
ل ڕۆژا چارشه‌مێ ۰٦.۱۲.۲۰۲۳ناڤه‌ندا خانی یا ڕه‌وشه‌نبیری و ڕاگهاندنێ ل هۆتێلا ڕخۆس ل باژارێ دوهۆکێ، چالاکیه‌ک تایبه‌ت و مه‌راسیمه‌ک زۆر جوان ژ بۆ ڕێزگرتن و خه‌لاتکرنا نڤیسکار و هه‌لبه‌ستڤانێ مه‌زن ڕێزدار پرۆف.در.به‌درخان سندی
لدارخست، ب ئاماده‌بوونا در. سالار ئۆسمان به‌رپرسێ به‌شێ ڕه‌وشه‌نبیری و ڕاگهاندنێ یا پدک ئێ، و در. ئه‌لی ته‌ته‌ر پارێزگارێ دوهۆکێ، و م. ئه‌لی ئه‌ونی به‌رپرسێ لقا یێک و جه‌ماوه‌ره‌کێ پر باش ژ به‌رپرسێن هزبی و ئیداری، نڤیسکار، ڕه‌وشه‌نبیر، هه‌لبه‌ستڤان و ڕۆژنامه‌ڤانان، ئێڤاریه‌ک پر ب جۆش و سه‌رکه‌فتی بوو.
در . به‌درخان سندی د ئاخافتıنا خوه ده بۆ ئالاڤێن ڕاگهاندنێ گۆت “رێزگرتنا نڤیسکار، هه‌لبه‌ستڤان و ڕه‌وشه‌نبیره‌کی ڕێزگرتنا مله‌تێ وی یه، ژ به‌ر کو ئه‌و زمانێ مله‌تێ کورد ئه و ئه‌ڤ ڕێز نه ته‌نێ ژ بۆ من لێ به‌لێ ژ بۆ هه‌ر که‌سێ کو ده‌ستێ وی د نڤیساندنێ ده هه‌به.”
و هێژایی گۆتنێ یه کو سالا ۲۰۲۲ان ده کۆمیته‌یا خه‌لاتا جیگه‌رخوینێ د وارێ هه‌لبه‌ست و خزمه‌تا وێژه و چاندا کوردی ده خه‌لات دا به‌درخان سندی.
در. به‌درخان سندی
د سالا ۱۹٤۳ئان ده، ل باژارێ زاخۆیێ ژ داییک بوویه. د سالا ۱۹٦٦ ئان ده، ل ئیراقێ زانینگه‌ه ب داوی ئانیه و د سالا ۱۹۷۹ئان ده، ل ئنگلیستانێ دۆکتۆرا وه‌رگرتیه. هه‌ر ژ سالا ۱۹٦۰ئێ، ده‌ست ب نڤیسینا هه‌لبه‌ستان کریه. مشه گۆتار، ڤه‌کۆلین و هه‌لبه‌ست ب کوردی و ئه‌ره‌بی ژی، د کۆڤار و ڕۆژنامه‌یان ده به‌لاڤ کرینه. وی ژ ده‌ستپێکێ هه‌لبه‌ست ل سه‌ر قالبێ کلاسیکی دڤه‌هاندن و گه‌له‌کی تێ ده بسه‌رکه‌فتی بوو، پاشێ یێن سه‌ربه‌ست ژی نڤیسین. گه‌له‌ک هه‌لبه‌ستێن وی یێن بوو نه ستران. چه‌ند پرتووکێن وی ب زمانێ کوردی و عه‌ره‌بی چاپ بوونه.
- 504 خوێندنەوە
