هونه‌رگه‌ها وه‌لات ل سلێمانیێ کۆنسه‌رته‌ک ل دارخست
د ڕۆژا داوی یا کۆنفه‌رانسا لێکۆلینێن کوردی ل سلێمانیێ ده، ناڤه‌ندا هونه‌رێ یا هونه‌رگه‌ها وه‌لات ب چه‌ند په‌رفۆرمانسێن کو هه‌لبه‌ستا کوردی، موزیکا ڕه‌سه‌ن و دیلانێن کوردی هه‌مده‌م ب پیڤانه‌ک گه‌ردوونی ته‌ڤلهه‌ڤ کرن، ته‌ماشه‌ڤانان ماتمایی کر.
هونه‌رگه‌ها وه‌لات د سالا ۲۰۱٤ئان ده ل ڕۆژاڤایێ کوردستانێ هاته دامه‌زراندن و د ۱۱سالێن بۆری ده مه‌زن بوویه و بوویه یه‌ک ژ ناڤه‌ندێن چاندی یێن هه‌ری به‌ربچاڤ، و خه‌باتا وێ ل چار به‌شێن کوردستانێ ب به‌رفره‌هی ده‌نگ ڤه‌دده.
کۆنسه‌را "هونه‌ره‌گه‌ها وه‌لات" چالاکیا داوین ئا کۆنفه‌رانسا لێکۆلینێن کوردی بوو، کو د ۲۷ئێ ئیلۆنێ ده هاته لدارخستن. کۆنفه‌رانس، کو پسپۆر، زمانناس و لێکۆلینه‌رێن کورد ئانین جه‌م هه‌ڤ، ژ ۲٥ هه‌تا ۲۷ئێ ئیلۆنێ، ۲۰۲٥ئان ل زانینگه‌ها ئامه‌ریکی یا سلێمانیێ هاته لدارخستن.
کۆنفه‌رانسێ هه‌ژماره‌ک چالاکیێن چاندی و هونه‌ری پێشکێش کر، کو زمان، سیاسه‌ت، چاند و جڤاکا کوردی ڕۆنی کرن. په‌رفۆرمانسا "هونه‌ره‌گه‌ها وه‌لات" وه‌کی میناکه‌ک زندی یا ده‌وله‌مه‌ندیا چاندی یا کو د ڕوونشتنێن ئاکاده‌میک ده هاته نیقاش کرن هاته پێشکێش کرن.
- 20 خوێندنەوە
