Share |

ھونەرمەند سەعید گاباری كۆچا خو يا داوى كر

(هونەرمەند( سەعید گاباری 
ئامادەکرن: ئەلند مزووری

 

 

سەعید گاباری ئێک ژ ناڤ و دەنگترین سترانبێژ و ھۆنەرمەندێن کورد بوو لسەر ئاستێ کوردستانێ، یێ

 

کۆ بستران و مۆزیک و جانێ خۆە وەک پێشمەرگە خزمەتا دۆزا گەلێ خۆ کری ، و ھەر دەم وەکی کەوەکێ رباد برێکا دەنگێ ساز و مۆزیک و سترانێن خو داخوازا رزگاربوونا وەلاتێ خۆ دکر و نەھێلانا دۆژمن و نەیاران لسەر ئاخا وێ یا پیرۆز، ھەردەم ل ب وێرەکی دژی خۆ فرۆش و گەدەلان دراوەستا، لەورا ھەردێ مینی زیندی و دێ دیرۆک شانازیێ بخۆ بەت کۆ تە بێختە دناف بەرپەرێن خۆ یێن زێرین دا.

سەعید گاباری، ل ١٣ی نیسانا سالا ١٩٥٦ ل گۆندێ (خربە کەژێ)ل رۆژھەلاتێ باژێرکێ عامۆدێ سەر ب باژێرێ حەسەکە ڤە ل رۆژئاڤایێ کوردستانێ ھاتیە سەر دونیایێ

سەعید گاباری؛ ھەر ل ژیێ (٨) سالیێ رۆناھیا چاڤێن خۆە ژ دەست ددەتن و ژسیناھیا دیتنێ بێ بەھر دبیتن

سەعید گاباری؛ پشتی پێکئینانا خێزانێ دبیتە خودانێ خۆ (٨) زرۆکان، و گەلەک جاران ب بابێ بێکەسی دھاتە گازیکرن.

ھێشتا ئەو سنێلە حەزا ھونەری و سترانگۆتنێ ل دەڤ پەیدا بیتن

دناڤاراستا سالێن شێستان دا و ھێشتا ژیێ وی نێزیکی (١٠) سالیێ ھەڤنیاسینێ دگەل ھەر دوو ھەلبەستڤانێن مەزن(جگەرخۆین و سەیدایێ تیرێژ)دکەت.

د سالێن حەفتێیان دا دەست ب سترانگۆتنێ کریە

ئەڤە بۆ ماوێ (٥٠) سالانە سترانا دبێژیت، و زۆربەی سترانێن وی شۆرەشگێری و فلکلوری و ئەڤیداری بووینە.

زۆربەی سترانێن سەعید گاباری ژ پەیڤێن ھەر دوو ھەلبەستڤانێن مەزن (جگەرخۆین و سەیدایێ تیرێژ)بووینە

ژبەر رۆلێ وی یێ نشتیمان پەروەرانە دلسۆزیا وی بۆ گەل و وەلاتێ وی، دسالێن حفتیان دا چەندین جارا دھێتە گرتن و ئەشکەنجەدان ژ لایێ رژێما سوریا ڤە.

سەعێد گاباری؛ ل سالا ١٩٨٠ دھێتە باشۆرێ کوردستانێ، و پەیوەندیێن ب رێزێن پێشمەرگەی دا دکەت دشۆرەشا گۆلانێ دا.

ل سالا (١٩٨٨ێ) دچیتە وەلاتی ئەلمانیا ھەتا نۆکە ژی خێزانا وی ل ئەلمانیا ئاکنجی نە.

پشتی سەرھلدانا بوھارا سالا ١٩٩١ جارەکا دی ڤەگەریایە ھەمبێزا کوردستانێ، و ل ھەڤلێرا پایتەخت ئاکنجی دبیت.

سەعید گاباری؛ بەرنامەکێ ھۆنەری دگەل ھۆنەرمەندان لسە شاشا تەلەفزیۆنا زاگرۆس تیڤی پێشکێش دکەت، و ھەر وەسا پەشداری د چەنین ئاھەنگ و بیرەوەریێن نشتیمانی و یێن جوداجودا دا کەت.

گەلەک گەنج و سترانبێژ داخباری دەنگ و ھۆنەێ وی بووینە و رێبازا وی گرتینە و لسەر دەستێ وی ھاتینە دمەیدانا ھونەری دا.

سەعید گاباری؛ ب ئەگەرێ نەخۆشیا پەنجەشێرا سھان نەخۆش دکەڤیت و بۆ ماوێ چەند رۆژەکا ن د نەخۆشخانێ دا دمینیت،و ژبەر دژواری و گرانیا نەخۆشیا خۆ دەمژمێر ٤:٤٥خۆلەک لبەر بەیانا رۆژا دۆشەمبی رێکەفتی ٤/٥/٢٠٢٠ دچیتە بەر دلۆڤانیا خودێ مەزن، و لسەر وەسێەتا وی ل گۆرستانا مەلا ئۆمەر ل ھەڤلێرا پایتەخت د ھێتە ڤەشارتن.

سەعید گاباری؛ زێدەباری زمانێ کوردی شارەزایەکا باش دزمانێن عەرەبی و ئینگلیزی و گەلەک زمانێن دژی دا ھەبوو.

سەعید گاباری گەنجینەیەکا مەزنا ستران و مۆزیکا کوردی بوویە و زێدەتر (٤٧٠٠)سترانێن تۆمارکری ل پاش خۆ ھێلاینە ھزار سلاڤ لسەر روحا تە بن .

ھەژی گۆتنێ یە کۆ لسەر داخوازا سەرۆک بارزانێ ژڤان ئەو بوو رەوانەی ژ دەرڤەی کوردستانێ بکەن بۆ چارەسەریێ لێ قەدەر ژ وێ ئێکێ بلەزتر و جانێ بەرەڤ نەمران ڤە بر.

 

ژێدەر و مفا وەرگرتن:

(کەنالێ روداوو - کەنالێ وار - مالەپەرێ فێسبووکی یێ د.عبدالحمید باڤی)