EW EZIM…HELBEST: HİNARA TAJDÎN

Bê Welat, bê  ax ezim,

Istuxwer, dildax ezim,

Bê bostan û bax ezim

Bê sûc û dilsex ezim.

Bê kofî, kitan ezim,

Bê serdilk, gulav ezim,

Evîndar, evdal ezim

Nizam kuda bibezim ?

Bê nav û nîşan ezim,

Bê Welat, Wetan ezim,

Xwedî şehîdan ezim

Xwelî ser, hêsîr ezim.

Per, bask şikestî ezim,

Bê pişt û kember ezim,

Dilê xweda dikzirim

Lê belê tim  bi nazim.

Hevalno, ez bi lezim,

Berbi royê dibezim,

Bê gul, çîçek, bê rezim

Ya dilkovan ew ezim.

Çev şil, hêsir ew ezim,

Dibim behr dihurikim,

Tû demî naxeniqim

Ezê Welat hemêzkim.

Ça dêlegur hêrs ezim,

Bûka reş rûbxêl ezim,

Zend qelepçe ew ezim

Hucra terîda ezim.

Dilorînim ew ezim,

Kuştin, lêdan naxwezim,

Mafê xwe diparêzim

KURDISTANÊ dixwezim.

Xelat