Pêşangeha Pirtûkan a 8 emîn ya Diyarbekirê bi hevkariya Jûra Pîşesazî û Bazirganiyê ya Diyarbekirê û TUYAP ê hat vekirin. Pêşangeh di navbera 30ê Mijdarê- 8ê Kanûnê de li Navenda Kongre û Pêşangeha Navneteweyî ya Mezopotamyayê vekirî be.
Helbestvanê Kurd Husên Hebeş xelateke wêjeyî ya navdewletî li bajarê Kalkuta yê Hindistanê wergirt.
Helbestvanê Kurd Husên Hebeş xelata wêjeyî ya navdewletî “CATAC” di Foruma Ramanwer û Nivîskarên Navdewletî ya ji bo Aştiyê 2024 de wergirt, ku li bajarê Kalkuta yê Hindistanê hat lidarxistin.
Arjen Arî di 12emin salvegera wefata xwe de li Amedê ji aliyê malbat û hezkiriyên xwe ve hat bibîranîn.
Yek ji nûnerên girîng ên wêjeya kurdî ya nûjen helbestvan Arjen Arî li Amedê bi çalakiya ku Weşanên Sor û malbata wî li dar xist de, hat bibîranîn.
Yekîtiya Rewşenbîrên Rojavayê Kurdistanê (HRRK) di bin diruşmeya “Bi sirûdên xakê û bi fermanên şehîdan ber bi şahiyê ve em erka xwe ya çandî didomînin” roja 8.11.2024an dehemîn Festîvala Çand û Hunerê li dar xist.li Navenda HRRK li bajarê Qamişlo.
Enstîtuya Kurdî ya Parîsê û Weqfa Mezopotamyayê û şaredariya bajarê mezin yê Amedê, di roja şembê 2 mijdarê 2024 ji bo 40emîn salvegera oxirkirna Helbestvanê mezin yê Kurd Cegerxwîn li Navenda Çand û Kongreyê ya Amedê çalakiyeke bîranînê li dar xistin.
Enstîtuya Çanda Kurdî ya Vîyanayê "Xelata Şerefnameyê ya Çand û Zimanê Kurdî" ya sala 2024an roja şemîyê, 14ê Îlona 2024an dîyarî nivîskar, werger û lêkolînerê kurd yê qedirbilind Perwîz Cîhanî kir ji bo ked û xebatên wî yên demdirêj di warê çand û zimanê kurdî de û bi taybetî di warê wergera ji zimanê Farsî ber bi kurdî ve.
Mamosta Hejar Şamil li ser malpera xwe nûçeyek weşand li ser lidarxistina konferansekî pir girîng yên Kurdên Qefqasyayê bi înîsiyatîfeke sivîl ku wê îro roja pêncşemê 15/16.08.2024 li bajarê Tiflîsê paytexta Gutcistanê bi beşdarbûna 70 mêhvanî ji 16 welatan lidar bikeve".
Ji bo bîranîna 11 li ser koçkirina helbestvan Şêrko Bêkes li ser gora wî merasim hat li dar xistin. Gelek hunermend, nivîskar û hezkiriyên wî lê amade bûn. Kurê wî Helo Bêkes got, "Ewê Muzexaneya Şêrko Bêkes vekin."
Duyemîn Festîvala Xanî li Dihokê roja (Duşem, 15.07.2024) bi drûşmê “Civakeke rewşenbîr ji bo paşerojeke geştir” li Dihokê hat destpêkirin û ji bo dema du rojan berdewam be. Penelistên festîvalê jî vê pêngavê giring dibînin û du ji wan dibêjin, “Keltûr û rewşenbîrî civakeke saxlem çê dikin.
Nûneratiya Yekîtiya Nivîskarên Kurdistana Sûriyê li Europayê bi hevkariya Komla Aso li bajarê Herne yê Almanyayê ahengeke taybet lidar xist ji bo rêzgirtin li çîrokên serkeftî di pêşbirka kurteçîroka kurdî.
Bi boneya Roja Zimanê Kurdî ( 15'ê Gulanê ) Yekîtiya Nivîskarên Kurdistana Sûriya ( Şaxê Hesekê)
Li Hola Cegerxwîn li bajarê Hesekê . Roja Înê 17.05.2024, Yekîtiya Nivîskarên Kurdistana Sûriyê, Şaxê Hesekê, imzekirina romana ( Zabêl Ez Ermenî me) Ya Nivîskar û helbestvanê kurd Ezîz Xemcivîn lidarxist.
Kovara hunerî, çandî û lêkolînê “Bîrnebûn” piştî Newrozê bi hejmara 89an gihîşt ber destê xwendevanan.
Biryara derxistina Bînebûn di sala 1996an de ji alîyê komek Kurdên rewşenbîr yên Anatolîya Navîn ve li Almanyayê hate dayîn.
Di Newroza 1997an de, kovarê hejmara xwe ya yekem derxist û heta niha her 4 mehan carekê bê rawestan tê weşandin.
Bi boneya Roja Zimanê Zikmakî ya Cîhanê, Yekîtiya Rewşenbîran a Kantona Cizîrê û Dîwana Wêjeyê ya Bakur û Rojhilatê Sûriyeyê ji bo îmzekirina pirtûka bi navê "Nan û Xwê" li Tirbespiyê şahiyek li dar xist.
Şahî li bexçeyê Kongreya Star bi beşdariya nivîska Siyamend Hisên Ibrahîm, endamên Yekîtiya Rewşenbîran û mamosteyan li dar ket.
Beşa Kurdî ya Radyoya Swêdê ragihandibû ku ewê di 1’ê Nîsanê de dawî li weşana xwe bîne û rêvebirîya Radyoya Swêdê jibo kêmkirina mesrefan ew biryar daye.
Xebatkarê Beşa Kurdî ya Radyoya Swêdê Beşîr Kavak ji Dengê Amerîka re got ku ew bi biryara girtina redaksîyona Kurdî pir xemgîn in.
Helbestvan û sîyastvan ji Rojavayê Kurdistanê Mûsa Zaxuranî roja seşembê 19.12.2023an ji ber nexweşiyê li nexweşxaneyeke bajarê Hewlêrê di temenê 68 saliyê de koça dawiyê kir.
Hevgirtina Rewşenbîrên Rojavayê Kurdistanê (HRRK) ,roja înê 15-12-2023 dest bi rêzeçalakiyên 9`emîn Mîhrîcana Rojava ya Çand û Hunerê kir û wê heta 28’ê Kanûnê wê dewam bike .
Mîhrîcan li navenda HRRK`ê ya li Qamişloyê bi dirûşma “Em ê li ber serê her şehîdekî sirûdeke azadiyê biçînin” hate lidarxistin .
Hejmara (20) a kovara Şermola ya wêjeyî û çandî ku bi zimanê kurdî û erebî tê weşandin, derket.
Dosyaya vê hejmarê (Cewher û girîngiya wêjeyê) ye, ji pêşekiya hejmarê:
