Gurzek Helbest ... şêrko Bêkes

(Ji bo Bîranîna 4 an ya koçkirina Helbestvanê navdar  şêrko Bêkes )

Jimartin

Eger karibî
guliyên vî baxî
yek bi yek bijmêrî!
Eger karibî
hemû masiyên gir û hûr
yên nava çemê pêşberî xwe
bijmêrî!
Eger karibî
dema koçberiya teyran
yên ber bi jêr û ber bi jor ve
yên ber bi jor û ber bi jêr ve
yek bi yek bijmêrî
wê demê ez jî soz didim
heçî qurbanên
vê axa şîrîn ya Kurdistan
yek bi yek bo te dijmêrim

***

Helebçe

Çardehê mehê bû
Bayê pênûsa min firand li Goyje yê
Dema ku min ew dît û dest bi nivîsê kir
Pêl bi pêl firiyan peyvên min

Panzdehê mehê bû
Sîrwan pênûsa min girt û çû
Dema ku min ew girt û dest bi nivîsê kir
Bûn masî helbestên min

Şanzdehê mehê bû
Axx! şanzdehê mehê
Şarezûr pênûsa min girt
Dema ku li min vegerand
Min xwest binivisînim
Tiliyên min wek Helebçe hişk û ziha bûn

***

"Eger ji nav şîîrên min
Gul bavêjin der
Ji çar werzan
Werzekî min dimire.
Eger yar bavejin der
Dudu dimirin.
Eger nan bavêjin der
Sisê dimirin.
Eger azadî bavêjin der
Sala min dimire
Û
Ez bi xwe jî dimirim"

***

  Payîz

îro payîzê bar kir û

çû ji vir

ku ez ketim warê wê yê vala 

axînek jê mabû

min axîn anî mal

axîn wek kubêjî

payîz taybetî

ji bo min dirûtibe

tam li gor şîîrek min be

***

 şehîd

şehîd: nemir e wek çiya

weke berf û weke dar

wek gulebax û wek bihar

şehîd av e

tîna zeviyê dişkêne

tilî û dest e

êşa axê dihejîne...

***

Evînî

min guhê xwe da dilê axê

ji min re qala evîna xwe û baranê kir

min guhê xwe da dilê avê

ji min re qala evîna xwe û kaniyê kir

min guhê xwe da dilê darê

ji min re qala evîna xwe û pelan kir

dû re min guhê xwe da dilê evînê

ji min re qala azadiyê kir

***