"2 Şev"… Helbest : Umêd qerenî

1. Şeveke meha Pûşperê ye, karker di bin tîrojika heyva şevê de dirêj bûne, kevok li pişt bijangên çavên min xwe vedişêrin, xewnên min li minareyên bêdengîyê dadikevin û ez ji xwe re dibêjim: Em ne tu tişt in ji bilî lîstikek ji bo cih û demê xwe..

2. Şeveke din a meha Pûşperê ye, karker di bin

tîrojika heyva şevê de nivistîne, bijangên min bi qasî wê avahîya ku li ser banê wê dirêj bûyîn giran in, ez li têkilîyên *gemjane difikirîm, li sozên erzan, li birîna kenên bê wate, ji xwe re dibêjim: Jîyan di wê damarê re diçe ku berxwe dide..

*gemjane, ehmeqane, bêaqilane, nezanî

*"sakegor"

balindan girev girtine

Daxwaza başkirina

Rewşa qefesê dikin!

*Çoldeşt,Deştayî

"Straneke kevn"

Ne hewce ye tu bîr bînî...

Em dizanin

Mirin, şeveke kovî û

 Pariyekî nanê sar e

Ku di hewayê de hilawîstî ye

Ew jî ku tu qet venagerî,

Berdewam jiyanê şêrîn dike...