28 saliya koçkirina Helbestvanê kurd Mela Ehmedê Palo

Di roja 9 gulana sala 1991an de helbestvanê Kurd Mela Ehmedê Palo koça xweya dawî kir, Mela Ehmedê Palo helbestvsnekî bi eslê xwe Kurdê Zaza ye lê berhemên xwe bi Kurdiya Kurmancî nivîsîne.

Helbestên wî ji hêla şeklî ve klasîk in, lê naveroka wan modern e. Palo di hunera helbestê de gelekî serkeftî ye ; wezn, qafiye,rîtm û hunerên edebî yên din bi zimanekî şayik û estetîk bi kar anîne. Helbestên wî, ji hêla wateya xwe ve jî gelekî kûr in.

Dewr û Gera Kurdistanê

Ji aliyê weşnxaneya Nûbiharê di sala 2018an hate çapkirin û Mela Ehmedê Palo di vê berhema xwe de li herçar hêlên Kurdistanê dewr û gereke xeyalî dike, bi bergeheke dîrokî, li ser bajar, çem, çiya û baniyên Kurdistanê helbestên xwe dihûne. Palo li vir wek aşiqê Kurd û Kurdistanê dixuyê ; kul û derdên gelê xwe tîne zimên, balê dikişîne ser rewşa Kurdistanê a mêtingehî û her wiha rêya xilasî û azadiyê jî nîşanî Kurdan dide.