Bavê nazê li wêjegeha Amed behsa serebûriya xwe kir.

Di destpêka werzê xwe yê payizê de Wêjegeh Amedê êvara 9ê Îlonê li Ro Cafeyê, li bajarê Amedê nivskar Bavê Nazê vexwend û simînarek pêşkêş kir û nivîskar Îbrahîm Xort jî moderatorî kir.

Nivîskarê navdarê Kurd Bavê Nazê li ser sê mijarên cuda yên romana kurdî axivî (romana kurdî, serpêhatîyên xwe, zimanê kurdî). Û li dawıyê de Pirsên beşdaran bersivandin û pirtûkên xwe îmze kirin .

Bavê Nazê kî ye?

Bavê Nazê di sala 1946an da, li bajarê Amûda rojavayê Kurdistanê ji dayik Bûye . Nivîskar, mamoste û lêkolerê kurd e. Doktoroya xwe li Zaningeha Moskovayê, di qada wêjeyê da qedandiye. Li başûrê Kurdistanê, di zaningeha Zaxo û Duhokê da mamostetîya edebîyatê kiriye. gelek pirtûkên wî ji zimanê rûsî hatine wergêran bo zimanê erebî.

Sala 1969an ji bo xwendinê çûye welatê Soviyeta berê û sala 1980 ji zanîngeha Mosko ya hikumî nameya xwe ya diktora bi destxist .

Bavê Nazê di sala 1971an da, bi çîroka xwe ya ‘Navê Min Xoşnav e’ dest bi niviskarîya xwe dike ku aniha gelek çîrok û romanên wî hene.

Sala 1977 li gel nivîskar Rezo û Dr. Mihemed Ebdo Alnecarî û Seadeldîn Mela (komela Kawa ya rewşenbîriya Kurdî) damezirand û bi riya vê dezgehê de gelek berhemên nivîskarên kurd û ên xwe jî weşandin. 

Bavê Nazê xwedanê bi dehan pirtûk e nemaze di cûreyê wêjeya Kurdî (ROMAN) xwedanê gelek berhem afirandine.

Her weha gelek pirtûkên teorîya edebîyatê ji bo zaningehê, bi zimanê kurdî (kurmancî-bi tîpên erebî) amade kirine ku di dersan da hatine xwendin.