Daxuyaniya Komîteya Amadekar a Pêncemîn Kongireya (HRRK)
Komîteya amadekar a pêncemîn kongireya Hevgirtina Rewşenbîrên Rojavayê Kurdistanê di 29/1/2016 de, li navenda Aştî ya civaka sivîl, li bajarê Hisçayê li hev civiyan. Di civînê de endamê komîteya kargêr a HRRK ê Ehmedê Huseynî û pirraniya endamên komîteya amadekar amade bûn.
Endamên komîteyê çend xalên girîng ên bi pirsa rewşenbîrî ve girêdayî û şêwazên geşkirina gotara rewşenbîrî gengeşe kirin, her wisa rewşa çand û hunera kurdî û renckêşana rojava ya pirralî hate gotebêjkirin. Endamên komîteyê pêwîstîya saziyeke rewşenbîrî ku bikaribe hemî rewşenbîran, nivîskar, helbestvan, şêwekar, şanoger, rojnameger, sînameger û mûzîkjenan di bin sîwana xwe de berhev bike, her wisa pêwistiya parastin û pêşvebirina çand û hunera Kurdî û rizgarkirina meydana çand û hunerê ji parçebûn û pirralîbûnê dît. Komîteya amadekar biryar stend ku bi berpirsyarî tevbigere, xwe dûrî helwestên takekesane û nakokiyên siyasî û idyolocî û helwestên erzan bixîne. Her wisa komîteya amadekar bi biryar bû ku bi hişmendiyeke rewşenbîrane têkiliyên xwe bi hemî sazî û dezgehan re berfireh bike bêyî ku ti kesî li derveyî prosesa danûstandinê, lihevgudarîkirinê li seranserî Rojavayê Kurdistanê bihêle.
Di civînê de çend erk û rêbazên xebata komîteyê hatin destnîşankirin da ku rê li pêşiya lidarxistina pêncemîn kongireya HRRK ê veke û Rojavayê Kurdistanê wek navenda HRRK ê ragihîne û hemî saziyên HRRK ê yên li Ewropayê, li Başûr û li Bakur bibin şaxê vê navendê.
Di destpêka civînê de li nameya komîteya kargêr a Ewropayê, û xwendina çend xalên rêbaza hundirîn hatin guhdarîkirin. Pişt re jî endaman rojeva civînê destnîşankirin û bi pirrdengî xalên goftugoya civînê destnîşan kirin, û biryara xalên jêrîn dan:
1-Mizgînê Gemo berpirsê komîteya amadekar
2-Şêroyê Hindê berdevkê komîteyê û berpirsê komîteya ragihandinê.
3-Mihemed Bîco berpirsê komîteya çavdêr.
4-Ibrahî Xelîl berpirsê komîteya pêwendiyan.
5-Mişel Ûsman berpirsê komîteya darayî.
6-Avakirina komîteyek berfireh ku ji komîteya rêvebir Mizgîn Kemo, Anahîta Şêxê û Mişel Ûsman û berpirsên komîteyên din Mihemed Bîco, Şêro Hindê, Ibrahîm Xelîl û Ehmed Huseynî, pêk tê, bo pêwendî û têkiliyan û lidarxistina hevdîtinan ligel saziyên rewşenbîrî û rewşenbîran, û hewildana paşguhkirina paşxaneyan, rengên siyasî û nakokiyên raman û bocûnan da ku zemînek ji boyî yekîtiya gotara rewşenbîrî û karê hevbeş ê di navbera hemî karkerên qada çand û hunerê de were amadekirin.
7-destnîşankirina çend navên rewşenbîrên jin da ku beşdarî komîteya amadekar bibin.
Civîna komîteya amadekar bi çend biryaran hate bidawîkirin:
1-Berfirehkirina koîmteyê da ku rewşenbîrên Kobanî û Efrînê cihê xwe tê de bibînin.
2-Lidarxistina hevdîtin û çend simîneran li bajarê Kobanîyê, her wisa ji Qamişlo û Ewropayê dest bi pêwendiya ligel Efrînê bikin.
3-Lidarxistina komcivînan li bajar û bajarokên Rojava ji boyî şirovekirina projeya HRRK ê.
4-Bi awayekî lezgîn berfirehkirina komîteya amadekar û bicihkirina endamên Kobanî û Efrînê di komîteyê de.
5- ji boyî geşkirina rewşa çand û hunerê komîteyê biryar da ku mîhrecaneke rewşenbîrî di 24 ê Adarê de lidar bixe.
6-Lidarxistina kongireyeke çapemeniyê, ji boyî agahdarkirina raya giştî û hemî sazî û rewşenbîrên Rojavayê Kurdistanê ka armanca HRRK ê û mebest ji kongireya pêncemîn çi ye.
Civîna komîteya amadekar bi bangekê bidawî bû: komîteyê bangî hemî sazî û rewşenbîran kir ku dest ji nakokiyên xwe berdin, destên xwe têxin destê komîteyê da ku bi hev re pêncemîn kongireya HRRK ê lidar xînin û saziya xwe ya xwedî biryar, xweser ku cihê her kesî tê de hebe biafirîne.
Komîteya Amadekar a Pêncemîn Kongireya HRRK ê 29/1/2016
Ji boyî têkiliyan
Berpirsê komîteyê:
Mizgîn Gemo
Mal: 423920
Dest: 0951617437
Berdevkê fermî:
Şêro Hindê
Mal: 425640
Dest: 0933134997
http://rojava.net/hrrkrojava.html
- 2366 reads
