Hunermendê Kurd Reşîd Sofî li Kobanî koça dawî kir.

Hunermendê navdar ê Kurd Reşîd Sofî, roja Duşembî 17ê Sibata 2025ê, di temenê 72 saliyê de, li nexweşxaneyeke bajarê Kobaniyê, ji ber nexweşiya penceşêra kezebê koça dawî kir.

Hunermend Reşîd Sofî di sala 1953'an di nava malbateke malbateke oldar de li bajarê Kobaniyê ji dayik bûye. karê xwe yê hunerî di sala 1970'an de bi sitranbêjiya olî û beyt û sirûdên sofî dest pê kiriye û gelek serkeftî û jêhatî bû di jenîna ûdê de û gelek rêz lênan di wî de wergirtin.

Sofî yek ji navdartirîn hunermendê kurd e ku mohra xwe li muzîk û hunerê hişt. Wî di temenê xwe yê biçûk de dest bi rêwîtiya xwe ya hunerî kir û di panzdeh saliya xwe de li cem muzîkjen Mihemed Qadrî Delal fêrî lêdana Bizqê bûye.

Di dema xwendina xwe ya lîseyê de jî evîna xwe ya ji bo mûzîkê berdewam kir û di dema xwendina xwe ya amadeyî de li Helebê beşdarî festîvalan bû ye.

Di sala 1977an de strana xwe ya yekem bi navê “Mey Nenoşî” derdixe û di stranên xwe de cihêrengiya muzîkê ya dewlemend pêşkêş dike. Wî her wiha du kasetên navdar derxistin: "Ez mêvanê dilê te me" di sala 1986an de û "Xwezya hêvî" di sala 1994an de, ku di nav derdorên hunerî yên kurdî de gelek serkeftî bûn.

Sofî di sala 2016an de ji bo rêzgirtina kariyera xwe ya dewlemend û afirîneriya xwe, xelata Arta ya Bexşîn û Afirînerê wergirt, ji bo ku bi dehan salan ji bo dewlemendkirina strana kurdî bi dest xist her weha gelek xelatên din jî bi dest xist.

Jiyan ji destdana hunermendekî qedirbilind nemir Reşîd Sofî windahiyeke mezin e ji bo huner û muzîka Kurdî û bandora ku wî bi stran, sirûd û awazên kilasîk ên sofî li pey xwe hiştiye wê her bimîne, di vê helkefta bi êş û jan de, em,  wek rêveberê dezgeha Sema ya Çandî û Hunera Kudî û malpera wê, sersaxiyê li hunermendên kurd bi giştî  dikin û li hunermend Xalid sofî bi taybetî dikin  . û li malbat û xizmên wî  û em ji Xwedayê mezin dixwazin ku cihê wî li bihuşt be  û ji malbat û hezkiriyên wî re sebir û hedanê dixwazin.

Em ji Xwedê re ne û em ê li bal Wî vegerin.