!['Ji tûrikê kal û pîran çend morî û mircan' 'Ji tûrikê kal û pîran çend morî û mircan'](http://semakurd.net/sites/default/files/imagecache/400xY/turik-kal-piran.jpg)
Bi navê "Ji tûrikê kal û pîran çend morî û mircan" pirtûkek derket. Pirtûk ji aliyê Mehmet Oncu ve hatiye amadekirin û ji Weşanên NA'yê derketiye.
Di pirtûkê de gotinên pêşiyan ên dişibin çîrokan, gotinên kurt ji aliyê Oncu ve hatine berhevkirin û di pirtûkê de hatine bi cih kirin.
Oncu li ser vê wisa dibêje, "Di zargotina kurdan de hinek gotinên pêşiyan hene ku bi teşe û vegotina xwe dişibin kurteçîrokan. Ew çîrokên bi wî teşbî, di wêjeya dinyaya modern de bi şêwaza 'çîrokên mînîmal' tên nas kirin û nivîsîn. Belê gotinên bi vî rengî ên di nav zargotina kurdan de hîn li asteke bilind in, lew ku di wan de aqil, feresat, mantiq û matematîkeke bêhempa heye. Ji vê zêdetir wejeyeke bilind û bedewkar jî dihêwirînin."
Çend ji wan:
*
Go, carê dîkekî qure çû pişta gund, hilkişî ser refeki bilind, bang da. Piştî demekê dinya ron bû, dîk sîngê xwe bilind kir, kêfa xwe anî, got:
- Ez çiqes xweş bang bidim, dinyayê ewqes xweş ron dikim.
*
Go, apo jina te kevir e! Got:
- Bila, ji minetan çêtir e...
*
Go, ker birin li ba keran girêdan, tiştek ji hev hîn nekirin ji bilî tir û fisan
- Ji tûrikê kal û pîran çend morî û mircan / Amadekar Mehmet Oncu / Weşanên Na / 83 rûpel / 2024 / Folklor
diyarname