Mamê Mihê û Dr.Nûredîn Zaza

Zinar Mistefa... Mamê Mihê mirovekî cotarî bû. Ewî di destpêka salên çilan de ji sed sala bîstan li gundê (Celwa Sefên - Herêma Dêrika Hemko) li cem

"Nûredîn Zaza" kardikir. Mihê carna didît ku Nûredîn di nivîsê de dixebite. Vêce, carekê ji caran, wî ji Nûredîn pirsî: Ma tu çi dedeynî?

Nûredîn jê re got ku ew bi Kurdî dinivîse.

Mihê matmayî jê pirsî: Gelo ma nivîsa Kurdî heye?!

Nûredîn bersiva wî da, go: Çawa nine? Vaye ez bi Kurdî dinivîsim!

Delxê li sere Mihê da ku ew jî fêr bibe nivîs û xwendina Kurdî. Rabû ji Nûredîn xwest ku wî jî hîn bike nivîs û xwendinê bi Kurdî.

Daxwaza Mihê ne kete serê Nûredîn de. Vêce, wî ji Mihê pirsî: Tu ji dil dixwazî fêr bibî nivîsa Kurdî?

Mihê gote Nûredîn: Belê, Belê ezbenî, ez ji dil dixwazim fêr bibim.

 Nûredîn rabû ji Mihê re got: Ezê te fêr bikim Kurdî, lê şertekî min heye?

 Mihê go ka şertê ti çiye?

Nûredîn ji Mihê re got: ku ez te fêr bikim nivîs û xwendina Kurdî, tu yê soz bidî min ku tu jî dê (5 Kesan) fêr bikî nivîs û xwendina Kurdî.

Mihê şertê Nûredîn li ser xwe qebûl kur û (3-4) caran hate dersan. Lê piştre, ew ji dersan qut bû.

Nûredîn (2-3) caran li hêviyê dima, lê pêjna şagirtiyê cotarî nehat. Nûredîn rabû çû pey û gotiyê: Mihê!, çima tu nayî dersên xwe?

Mihê, sere wî di ber de, gote Nûredîn: "ez hew têm, ma ez dikarim di ber dersên te re bikim!"

Nûredîn kenî û gote Mihê: Birako! Tu û nivîsa Kurdî tiştekî nabêjin hev.