Merasîma rêzlênanê ya hunermendê mezin Reşîd Sofî li Hewlêrê

Dezgeha Sama ya Çand û Hunerê bi hevkariya hevalên hunermendê mezin ê Kurd Reşîd Sofî, êvara roja Înê 21.02.2025ê li bajarê Hewlêrê li hola Arya ya li Hotêla Capitol a bajarê Hewlêrê ji bo rihê hunermendê mezin Reşîd Sofî çalakiya rêzlênanê û xatirxwestinê û çalakiya bîranînê li dar xist.

Di vê çalakiyê de gelek Hunermend û rewşenbîr û kesayetên navdar ên civakî beşdar bûn.  

Peyva destpêkê ji aliyê helbestvan Ronî Elî ve hate pêşkêş kirin û bi xêrhatin hatina  beşdarvanan kir û deqeyek rêz ji bo giyanê pakê şehîdên Kurd û Kurdistanê hate girtin. Rêvebirê dezgeha Sema birêz Aref Remezan jî di axaftina xwe de bal kişand ser girîngiya Reşîd Sofî wekî hunermendekî ku bi vê merasimê hebûna wî di nava me de bi ruh û hezkirin û berhemên xwe yên ku xizmeteke mezin pêşkêşî huner û çanda Kurdî kiriye piştrast dike.

 Ev bûyera girîng ji aliyê kanalên kurdî yên mezin ve hat şopandin,  wek (Kanala Kurdistan 24,   Rûdaw,   Şems-Walat  - Kurdistan TV  )