Rojên Ma Musicê li Amedê dest pê kirin

Akademiya Ma Musicê ku li Amedê xebatên xwe yên muzîkê ligel zarokan, mezinan didomîne 6'emîn Rojên Ma Musîcê da dest pê kirin. Şeva 1 hızêranê  bi konserek çalakiyê dest pê kir û heta 12'yê mehê dê bidome.

Konsera destpêkirina Rojên Ma Musicê li Kent Meydanê ya Peyasa Amedê li dar ket. Ji Zarok Ma'yê Trio Tembûr, koroya wan a zarokan û Ortestraya Rîtmên Xwezayî di konserê de amade bûn. Heman konser 3'yê mehê li Navenda Çand û Kongreyê ya Şaredariya Bajarê Mezin a Amedê li dar bikeve.

Di konsera de Hevşaredarên Bajarê Mezin a Amedê Serra Bucak û Dogan Hatun, Hevşaredarên Peyasê Bêrîvan Gulşen Sincar û Cengiz Dundar û gelek kesên din jî amade bûn.

Ma Musicê îsal ev çalakî diyarî hunermend Ezîz Rênçber kiriye.

Bernameya Rojên Ma Musîcê eşkere bû

Ma Music ku li Amedê xebatên girîng ên çandî dike, careke din Rojên Ma Musicê li dar dixe. Îsal 6’emîn car wê Rojên Ma Musicê lidar bikeve û îsal ev çalakî diyarî bîbarîna hunermend Rênçber Ezîz kirine.

Rojên Ma Musîcê îsal 1’ê pûşperê/hezîranê bi konsera Koroya Zarokên MA’yê wê dest pê bike û 12’yê mehê bi konsera Koma Ma bi dawî bibe.

Ji 1’ê mehê heta 12’yê mehê her roj li cihên cur bi cur dê konserên cihêrêng bênê pêşkêş kirin.

Va ye bernameya Rojên Ma Musicê:

- 1’ê Pûşperê: Trio Tembûr, Koroya Zarokan, Orkestraya Rîtîmê ya Xwezayî

Cih: Qada Kentê, Saet: 19.00

- 3’yê Pûşperê: Koroya Zarokan a Zarok Ma’yê, Orkestraya Rîtîmê ya Xwezayî, Sentûr û dîwana tembûrê

Cih: Navenda Çand û Kongreyê ya Şaredariya Bajarê Mezin a Amedê, Saet: 18.30

- 4’ê Pûşperê: Orkestraya Ma Musîkê, Solo Sentûr / Ramîn Rabiei

Cih: Qonaxa Cemîl Paşa, Saet: 20.00

- 5’ê Pûşperê: Solo Piyano û Klam / Sarya Ertaş û Welat Tayfûr

Cih: Dêra Ermenan a Sûrp Gîragos, Saet: 20.00

- 6’ê Pûşperê: Konsera Jin Mayê

Cih: Navenda Çand û Kongreyê ya Şaredariya Bajarê Mezin a Amedê, Saet: 20.00

- 7’ê Pûşperê: Dîwana Mezûnên Akademiya Ma Musîcê

Cih: Çand Ma, Saet: 20.00

- 8’ê Pûşperê: Dîwana Xwendekarên Ma Musîcê

Cih: Navenda Çand û Kongreyê ya Şaredariya Bajarê Mezin a Amedê, Saet: 12.00-14.00

- 8’ê Pûşperê: Bi tevlibûna Vasfî ak panela Berhevkariya Stranên Gelerî

Cih: Çand Ma, Saet: 18.30

- 9’ê Pûşperê: Dîwana xwendekarên Ma Mûsîcê

Cih:  Baxçeyê Ma Mûsîcê, Saet: 19.00

- 10’ê Pûşperê: Dîwana Zarokan a Ma Mûsîcê 

Cih: Zarok Ma, Saet: 18.30

- 12’ê Pûşperê: Koma Ma

Cih: Navenda Çand û Kongreyê ya Şaredariya Bajarê Mezin a Amedê

Saet: 20.00

Diyarname