salvegera 34 saliya damezirandina NÇM'ê li Amedê bi şahiyeke hate pîroz kirin.

Navenda Çanda Mezopotamyayê (NÇM) ji bo 34'emîn salvegera xwe roja 1 sibatê  li Amedê şahiya pîrozbahiyê li dar xist. Komeleya Çandê ya Dîcleyê, îsal bi awayeke rengîn û şahiyeke bêhempa  li Amedê ji bo 34 Saliya NÇM'ê şahî li dar xist.

Di şahiyê de gelek hunermend, dengbêj û Koroya Zarokan a Navenda Çandê ya Dîcleyê derketin ser dikê û salvegera 34'emîn a NÇM'ê pîroz kirin.

Di şahiyê de ku li Salona dawetê ya Ayaz Elegance hat li darxistin de, ji beşdar û hemwelatiyan cih li salonê nema bû. Gelek nûnerên sazî û şaredariyan jî beşdarî şahiyê bûn. Di pîrozbahiyê de rengekî bi aheng xwe da der û bi taybetî hemwelatî bi cil û bergên neteweyî li wir amade bûn.

Hunermendên JINma, hunermendên NÇM'ê, Koroya Zarokan a Dîcleyê û Koma Govendê ya Kasedjinê derketin ser dikê û temaşevan coşandin.

Hêjayî gotinê ye ku Navenda Çanda Mezopotamamya (NÇM) di 27'ê Îlona 1991'ê de ji aliyê komeke rewşenbîr ku Musa Anter jî di nav de bû, li Stenbolê hat avakirin. NÇM ku di gelek şaxên hunerê yên wekî şano, sînema, muzîk, govenda gelêrî û dansa hemdem de hildiberîne, ziman û rengê gel bi taybetî kurdî nîşan da.  

NÇM gelek caran rastî astengiyê dihat û astengî li ser wam berdewame, û gelek hunermendên wê hatin binçavkirin û girtin lê tevî hemî zor û zehemetiya dikarîbû li ser nigê xwe bisekine û berdewamiyê li çalakiyên xwe bike.