Selîm Temo helbeste-şanoyek bi navê “Hilbe Kobanî” derxist

Selîm Temo, ji bo 10. salvegera rizgarkirina Kobanê pirtûkek çap kir ku navê xwe Hilbe Kobanî ye. Pirtûk ji aliyê Weşanxaneya Darayê ve di roja salvegera rizgarkirina Kobanê de hat weşandin.

Helbestkar Selîm Temo, bi pirtûkeka nû li pêşberî xwîneran e. Navê pirtûka Temoyî Hilbe Kobanî ye û wek helbesteka teatral hatiye nivîsîn. Selîm Temo û Weşanxaneya Darayê danasîn û nûçeya çapa pirtûkê di 26ê Rêbendanê de ku roja rizgarkirina Kobanê bû, di saet “sisê kêm deh deqîqe” de belav kirin.

Pirtûka nû ya Selîm Temoyî wek “helbestşano” (poetheatrical) hatiye pênasekirin, ji du perdeyan pêk tê û 72 rûpel e. Lehengên helbeste-şanoyê “vebêj”, “orkestra” û “koro” ne û sehneyên berxwedana Kobanê di nav dîrok û mekanê de dinimînin. Pirtûk hem ji bo xwendin û hem jî ji bo leyîstinê ye.

Cumhur Olmez edîtoriya pirtûkê kiriye û bergê pirtûkê ji aliyê Leyla Çelik ve hatiye çêkirin. Xwîner dikarin pirtûkê ji pirtûkxaneyan û li ser malperên pirtûkan peyda bikin.

Dewran Mehmûd

Jêder: Chanel 8