ئارژەن ئاری ل ئامەدێ ھات ببیرانی

د رۆژا یەکشەمبێ 27 جۆت مەھێ دە ل ھۆلا ناڤەندا چاند و ھونەرێ یا جوانان ئا جەگەرخوین ، کۆمەلەیا نڤیسکارێن کورد د گەل وەشانخانەیا ئەڤرەنسەل ژ ئستەنبۆلێ ژ بۆ دەرباسبوونا سالەکێ ل سەر کۆچکرنا ھەلبەسڤان ئارژەن ئاری ئەو ب بیرئانین، ب بەشداریا ھەژمارەکە زێدە ژ رەوشەنبیر و نڤیساکر و مالباتا ئاری.
گەلەک ئاخافتن ھاتن کرن ژ ئالیێ، ز ئالیێ ھەڤسەرۆکێ کۆمەلەیا نڤیسکارێن کورد محه مەد یلماز و نڤیسکار بەرکەن بەرە، ئۆسمان ئۆزچەلک، و ھن ھەلبەست ژ ئالیێ ھن ھەلبەستڤانێن گێنج ھاتن خوەندن، و ل سەر ناڤێ مالباتا ئارژەن ئاری خوشکا وی ئاخافتنەک پێشکێش کر.
ب تەڤایی بەحسا تایبەتیا ھەلبەستڤان ئارژەن ئاری کرن و گرینگیا وی د ناڤا ئەدەبیاتا کوردی دە، و گەلەک شرۆڤە د ھەلبەستێن وی دە ھاتن کرن، و بەحسا نەتەو و ئەڤین د ھەلبەستێن وی دە ھاتە کرن.
ھەر وەھا د ناڤا ئاخافتنان دە سۆزەک ھاتە داین کو، کۆمەلەیا نڤیساکارا د گەل وەشانخانا ئەڤرەنسەل و ھن دام و دەزگەھێن وێژەیی وێ پێشبرکەکە سالانا بۆ ھەلبەستڤانێ ھەری زیرەک ل دارخن و وێ ل سەر ناڤە ئارژەن ئاری خەلاتەکێ پێشکێشی ئێ سەرکەفتی بکن و ب دانا کۆکتێلێ چالاکی ب داوی بوو.
ئارژەن ئاری د سالا1956 دە، ل ھەرێما مێردینێ ( ئۆمەریا)، ل گوندێ چالێ ھاتیە دنیایێ. د سالا 1979دە ئەنستیتویا پەروەردەیییا ئامەدێ بەشا زمانێ ترکی قەداندیە. وەکە گەلەک ھەلبەستڤان و نڤیسکارێن کورد وی ژی ب ترکی دەست ب ھەلبەستێ کر. ز سالا 1976 دە ل نسێبینێ و ل ھن دەڤەرێن دن ژ بەر کارێ خوەیێ وەلاتپارێزی چەند جاران ھاتیە گرتن و لێپرسین لێ ھاتیە کرن، ھەیا کو ئەو ب کوشتنێ رووبروو مایه، و بریندار بوویە، ئارژەن ئاری گەلەک بەرھەمێ وییێ وەژەیی چاپ و بەلاڤ بوونە، و 30-جۆتمەھا-2012 دە ژ ئەگەرێ نەخوەشیەکە گران چوو سەر دلۆڤانیا خوەدێ

.
 ھۆزان ئەمین