Share |

ئه‌نتلوژیا هه‌لبه‌ستانێن كورد دێ ژ بن چاپێ ده‌ركه‌ڤیت

 

د چارچووڤێ به‌لاڤۆكێن به‌غدا پایته‌ختێ ره‌وشه‌نبیریا عه‌ره‌بی، چاڤه‌رێ یه‌ ل ڤان نزیكان پرتووكه‌كا نوو ب ناڤێ "هنگڤین و به‌فر" وه‌ك ئه‌نتلوژیا هه‌لبه‌ستڤانێن كورد ب زمانێ عه‌ره‌بی ژ بن چاپێ ده‌ركه‌ڤیت.

هه‌لبه‌ستڤان و نڤیسه‌رێ كورد به‌ده‌ل ره‌ڤو مزووری، ب ئاژانس و رادیۆیا په‌یامنێر راگه‌هاند، نزیك ئه‌ڤ به‌رهه‌مه‌ دێ گه‌هیته‌ به‌ر ده‌ستێن خوانده‌ڤانان و دێ ژلایێ ده‌زگایێ ره‌وشه‌نبیری و به‌لاڤكرنا كوردی ل به‌غدا ڤه‌ بهێته‌ چاپكرن، كو ژ 128 به‌رپه‌ران و قه‌بارێ ناڤین پێكدهێت و به‌رگ و دیزایینا ئه‌نتولوژیایێ ژلایێ دیزایینه‌ر سه‌لام حه‌سه‌بوللا ڤه‌ هاتینه‌ ئه‌نجامدان، مینا خرڤه‌كرنه‌كێ دناڤبه‌را هه‌لبه‌ستڤانێن گه‌نج و خودان سه‌ربۆر دا په‌یدا دكه‌ت.

ئیماژه‌ ب وێ چه‌ندێ ژی دا، هه‌لبه‌ستڤانێن كورد ئه‌حمه‌د به‌ندی، ئه‌دیب چه‌لكی، ئامینا زكری، دكتور به‌درخان سندی، به‌ده‌ل ره‌ڤو، به‌یار باڤی، به‌یار زاویته‌یی، خه‌یری هه‌ژار، سه‌لام بالایی، سه‌لوا گۆلی، شه‌عبان سلێمان، شێرزاد زه‌ینه‌لعابدین، شیلان عه‌بدولمه‌ناف، سه‌بری نهێلی، سه‌ددیق شه‌رۆ، دكتور عه‌بدولره‌حمان مزووری، عه‌بدوللا سلێمان عه‌بۆ، قه‌دری شێرۆ، كرمانج هه‌كاری، كۆڤان خانكی، مه‌حفووز مایی، محه‌مه‌د سه‌عید به‌لۆ، مه‌سعوود خه‌له‌ف، مسته‌فا سه‌لیم، مێڤان به‌رۆشكی، نه‌جیب بالایی، بێوار عه‌بدولقادر و هه‌ڤال فندی ب به‌رهه‌مێن خویێن هه‌لبه‌ستێ ڤه‌ د ئه‌نتلوژیایێ دا هاتینه‌ همبێزكرن.

به‌ده‌ل ره‌ڤۆ مزووری پێشتر 13 پرتووك ب كوردی و عه‌ره‌بی داینه‌ چاپێ، وه‌ك نڤیسه‌ر و هه‌لبه‌ستڤان  وه‌رگێر هاتیه‌ نیاسین و كاره‌كێ مه‌زن د توره‌یێ گه‌ریانان دا كریه‌، نوكه‌ ل وه‌لاتێ نه‌مسا دژیت و ل سه‌ر نڤیسین و گه‌ریانێن خو به‌ردوامه‌ و پرتووكێن وی بۆ چه‌ندین زمانێن جیهانێ هاتینه‌ وه‌رگێران و ل نزیك دێ پرتووكا وی كه‌ڤیته‌ به‌رده‌ستێ خوانده‌ڤانان.

 

 

 

ئیسماعیل تاهیر/ پ. ف-(PNA)-