Share |

ئێكه‌تيا نڤێسه‌رێن كورد- دهوك سميناره‌ك بو رومانڤيسێ عيراقى نجم والي رێكخست

 

ل ئێڤاريا روژا دووشه‌مبێ (26/3/2018) ئاماده‌بوون وپشكداريكرن ل چالاكيا ئه‌ده‌بى يا (ئێكه‌تيا نڤێسه‌رێن كورد-دهوكێ) ب هه‌ڤكارى د گه‌ل: ئه‌نستيوتا گوته‌ يا ئه‌لمانى ل هه‌ولێرێ، وب ئاماده‌بوونا ژماره‌يه‌كا ماموستا وره‌وشه‌نبير ونڤيسه‌ران،

كه‌ ل هولا ئێكه‌تيێ سميناره‌ك بو رومانڤيسێ عيراقى (به‌رێز: نجم والي- ل ئه‌لمانيا د ژيت) هاته‌ رێكخستن - برێڤه‌برنا به‌رێز : ماموستا حسن سلێڤانه‌يى- كه‌ تێدا (به‌رێز توماس گولسه‌ر- به‌رپرسێ ئه‌نستيوتا گوته‌ يا ئه‌لمانى ل هه‌ولێڕێ) په‌يڤه‌ك پێشكێشكر، وپاشى (به‌رێز نجم والي) به‌حسێ رومانا خوه‌ يا نوى (إثم ساره‌- گونه‌ها سارايێ) كر وچه‌ند لاپه‌ره‌ك ژێ خواندن، وپاشى (به‌رێز د. عالية إبراهيم- ره‌خنه‌گر) خواندنه‌كا ره‌خنه‌يى وئه‌ده‌بى بو به‌رێز نجم والي ورومانێن وى پێشكێشكر... ول دويماهيكێ كه‌نگه‌شه‌يه‌كا باش ل سه‌ر هاته‌كرن وبه‌رسڤ ل سه‌ر پسياران هاتنه‌دان، وچاڤپێكه‌فتن د گه‌ل ئاماده‌بوويان هاتنه‌ ئه‌نجامدان، وڤێ چالاكيێ پتر ژ (2) ده‌مژمێران ڤه‌كێشا.

(هه‌ژى گوتنێ يه‌: به‌رێز نجم والي نڤيسه‌ره‌كێ عيراقى يه‌، ول سالا 1956ێ ژ دايكبوويه‌ ل به‌سرا، ول عه‌ماره‌ ژيايه‌، وكوليژا ئادابێ ل زانكويا به‌غدا خلاسكريه‌ ل سالا 1978ێ، ودژى رژێما ژ ناڤچوويى بوويه‌، وهاتيه‌ گرتن وئێشاندن، ول سالا 1980 ژ عيراقێ ده‌ركه‌فتيه‌ وچوويه‌ وه‌لاتێ ئه‌لمانيا ول وێرێ ول ئيساپانيا خوانديه‌، وژماره‌يه‌كا به‌رهه‌مێن چاپكرى هه‌نه‌، وزمانێن عه‌ره‌بى وئينگليزى وئه‌لمانى وئيسپانى د زانيت، وكه‌سه‌كێ ڤه‌كريه‌، ونێزيكى گه‌لێ كوردستانێ يه‌).