Share |

برووسکەک سەرساخی بۆ کۆچا داوی یا ھەلبەستڤان فەرھاد عچمۆ

ب دلەکی غەمگین دەزگەھا سەما یا چاندی و ھونەری نووچەیا کۆچکرنا ھەلبەستڤانێ ناڤدارێ کورد فەرھاد عچمۆ پشتی نەخوەشیەک گران بھیست.

دەزگەھا سەما سەرساخیێ خوە پێشکێشی مالبات و خزم و دۆست و ھۆگر و تەڤایی نڤیسکارێ کورد دکە.

نەمر فەرھاد عجمۆ بەژنەکە بلند د ناڤا مەیدانا رەوشەنبیریا کوردی دە بوو و کۆچکرنا وی زیانەکە مەزن بوو ژ پەیڤ و وێژەیا کوردی رە، ب ھونەر و ھەلبەستێن خوەیی خوەش و خزمەتێن خوەیی ھێژا د درێژایا ژیانا خوەیی تژی ھەلبەست و داھێنانی و دەربرین و دیمەنێن خوەشک، وێ ڤالاھیەکێ چێکە.

جھێ وی بوھشت بە و وێ ب ھەلبەستێن خوە ھەر دەم د ناڤا دلێ گەلێ خوە دە ساخ بە.

دەزگەھا سەما یا چاندی و ھونەری.

----------------

ھەلبەستڤانێ ناڤدار "فەرھاد عچمۆ:

د سالا ١٩٦٠ی دە ل باژارێ قامشلۆ ھاتیە دنیایێ، و د سالا ١٩٨٤ ئان دە باوەرنامەیا باکالۆریۆس د ئەندازیاریا شارستانیێ دە ژ زانکۆیا حەلەبێ وەرگرتیە. بەری ھەلبەستێ دل کەتیە مووزیکێ و د سالا ١٩٧٠ دە دەست ب لێدانا تەمبوور و گیتار و جومبشێ کریە، لێ د ٢٩.٠٧.١٩٧٨ ئان دە ھەلبەستا خوەیا پێشی ب ناڤێ ئەی زەمان دانیە. د پرانیێن کۆڤار و رۆژنامەیێن کوردی دە ھەلبەستێن خوە وەشاندنە و نێزیکا چل ھەلبەستێن وی ب دەنگێ مھەمەد شێخۆ، بەھا شێخۆ ئادل ھزنی، سەلاھێ ئۆسێ، ئسمایل جوما، گولستانا سۆباری و شەیدا بوونە ستران.

د سالا ٢٠١٣ان دە ل مالا ھەلبەستڤانێ نەمر جگەرخوین، خەلاتا داھێنانێیا ھەلبەستێ وەگرت ھەر وەھا خەلاتا ئابدورھمان ئالووجی و خەلاتا داھێنانێ سالێیا یەکیتیا نڤیسکارێن کووردستانا سوورییێ وەرگرت و ھەتا نھا ھەفت پرتووکێن ھەلبەستا چاپکرنە و گەلەک دین ھازربوون بۆ جاپە.