به‌شكچي: نه‌يێ په‌شێمانم 17 سالان سه‌را كوردان مايمه‌ د زيندانێ د

ئێەکتيا نڤيسەرێن کورد/دھۆک ... ب ھەڤکاري د گەل سەرۆکاتيا زانکۆيا دھۆک دێ مھڤانداريا نڤيسکار و ھزرمەندێ ناڤدار و دۆستێ دۆزا گەلێ کورد و پشتەڤانێ بزاڤێن ئازاديا گەلان ( ئيسماعيل بشکجي )

کر و د سەمينارەکێ دە ل ژێر ناڤێ ( پرۆژە و پرۆسێسا ژناڤبرنێ يا ديرۆکيا دژي گەلێن رۆژھەلاتا نێزيک ) ل دەمژمێر 6:00 ئێڤاري،ل رۆژا دوشەمبي 2/6/2014 ل ھۆلا خاني ، سەرۆکاتيا زانکۆيا دھۆک. و د سەمينارێ دا کو پەشکجي ب بەرفەرەھي بەحسا قوناخێن ديروکا کوردان کر و تێکەلي و بزاڤا کوردي کر نڤيسەرێ ناڤدارێ تورک ئيسماعيل بەشکچي دبێژيت، نەيێ پەشێمانم 17 سالان سەرا کوردان مايمە د زيندانێ دا.

بەشکچي د سمينارەکێ دا ل دھۆکێ ئەڤ چەندە راگەھاند و گۆت: دخوازم کوردستان ژي مينا ئيراق، ئيران، سووريا و تورکيا ببيت دەولەت و مافێ خوە بستينيت، ھەروەسا دوپاتکر کو ئەو نەيێ پەشێمانە سەرا کوردان مايە دزيندانێدا.

د سەرەدانا خۆ دا بۆ دھۆکێ بەشکچي ژ ئاليێ ئێکەتيا نڤيسەران و زانکۆيا دھۆکێ ڤە ھاتە خەلاتکرن.

د پەيڤا بخێرھاتني دا سەرۆکێ ئێکەتيا نڤيسەرێن کورد حەسەن سلێڤاني پەيڤەک پێشکێشکر و ئەڤە ژي دەقێ وێ يە:

ئەم بناڤێ ئێکەتيا نڤيسەرێن کورد لقێ دھوکێ وسەروکاتيا زانکويا دھوکێ ، ب خوەشي وشادي ب خێر ھاتنا پەيامنێرێ مروڤاينييێ و خودانێ قەلەمێ راستي يێ و وێرەکيێ ،ھزرڤان ومێژوونڤيس وجڤاکناسێ ژێھاتي ئيسمائيل بێشکجي دکەين .تۆ ب خێر ھاتي ، سەر سەران وسەر جاڤان .

ھێژايان :

ئيرو کوردستان سەربلندە ب ھاتنا بەرێز بيشکجي ، يێ کو سەرا راستيێ و ھزرێن خوە يێن ئازاد و بەرەڤانيێ ژ دوزا رەوايا مللەتێ کورد وکوردستانێ 17 سالێن زيندانێ بوراندين . رێزدار ئيسمائيل بێشکجي يێ ب ھەمي ھێزا خوە وقەلەمێ خوە يێ 36 پەرتوکێن مێژوويي وجڤاکناسي ئافراندين ، دگەل مافێ جارەنڤيسێ کوردانە و کوردستانەکا سەربەخوە . ئەڤ ھەلويستەجھێ شانازي و رێزگرتنا مللەتێ کوردە ،

ھێژايان:

بەرێز بيشکجي ھێژ ژ سالێن شێستان ژ چەرخێ بيستێ وەفاداري يا خوە بۆ بھايێن زانين وزانست وراستيێ پەسەند کريە و ئامادەيا خوە ژبۆ خوگوريکرنا ھزرێن خوە ديارکريە. بێشکجي دبێژت : کارکرن وخەبات ژبۆ زانين و راستيێ وقورباني دان پێخەمەت وان چەند خوەشە !!

بێشکجي قەلەمێ دژوارێ تورک بوو خوە ژ سياسەتا فەرمي يا دەولەتا خوە وراگەھاندنا وێ يا دژوار لاداي وپشت گوە ھاڤێتي سەبارەت ئينکارکرنا مافێن نەتەوە و ئايێن ورەوشەنبيري يێن دي ل تورکيا .. ب تايبەت مافێ رەوايێن مللەتێ کورد لسەر ئاخا خوە کوردستانێ . بێشکجي کەلەک راستگو بوو دگەل خوە وھزر و بيرێن خوە يێن مروڤاينيێ. لەوا ئيرو مينا جيايەکێ کوردستانێ ئەم لێدنێرين و قەدري لێدگرين .

ئيرو ئەم ل کوردستانا ئازاد وخودان حکومەت وپەرلەمان ول ژێر ئالا رەنگينا کوردستانێ ،سەرفەرازين ب رێزگرتن و خەلاتکرنا بێشکجي ب ميداليا بارزاني يێ نەمر ، ژ ئاليێ سەروکێ ھەرێما کوردستانێ - بەرێز مسعود بارزاني ڤە دسەرەدانا وي يا پار –نيسانا 2013 ، خەلکێ کوردستانێ ب نڤيسەر و رەوشەنبير وماموستايێن زانکويێن کوردستانێ ، گەلەک شاد وکەيفخوشن ب ڤێ سەرەدانا دويێ يا بێشکجي بو کوردستانێ ب رێ يا دەزگەھێ بارزاني يێ خێرخواز کو پر بزاڤ وخەباتە .

جارەکا دي تۆ بخێر ھاتي .

نوھا ژي ئەم دێ دەليڤێ دەين بەرێز بێشکجي، سمينارا خوە يا لژێر ناڤێ :

پروژە و پروسەسا ژناڤبرنا ديروکي يا دژي گەلێن روژھەلاتا نێزيک .

پێشکێش بکەت .

حسن سلێڤاني

سەرۆکێ ئێکەتيا نڤيسەرێن کورد – لقي دھۆک

2014-06-02

duhokwriters.com