بەندەرێن پەشیمانیێ… هەلبەست…شەمــال ئاکرەیی

د گێلەشوکـــا ھزران دە..
رەڤەندیــەک بێ سوبەھی بووم 
ئەنیــا دیروکێ ژی..
ھەمبێـزەکــا نەوێرەک بوو
د بیرئانینان دە..
دکەلانــدم
د رۆژگـارێ دە..
دھـــەژانــدم
تۆ ئەوا ھێشــتــا نــە ھـــاتــی
ھــەتـــا دوھـی ژی..
من تۆ د چاڤــێن ئەسمانی دە..
ددیــتـی
مینــا زارۆکــــــان من تــــۆ..
دمێتـــی
من دگـــەل تـــە..
ســـەرا کـــاروانــــەکـی بــێ بــھــا دە
پــێکــێن رندییا..
ھـــەموو رەنــــگــــان
لگەل تە من وەربـــــادان
ھەموو رندی ب پێـــکێ نێـریـــنــان
من دنۆشــیـــن
ھەموو نێریــن ب رۆناھیا رەنـگـــان
من دادپوشـــــیــن
چاخێ تۆ دبوویە سەربار
چـیــای سەنگییا خوە ژ دەست ددا
رۆژێ شــەیــدایێن خوە ب ئەرزانی دڤەرەڤاندن.
ل بیرا منە..
دەمێ وێ پەیڤا تە 
لێڤێن من خــــاریــــــن
عەشقا تە..
کریە کەڤالەکــی تـەژی کــەڤـــال و..
تەڤ شەڤ ژی..
ســــــارکریــــن
ئەڤا ئەز ڤەدگێرم
نـــە پەسنـــا سینگەکا شوڕە
نــە کاروانەکی ڤەمــایی یــە
نــە دەرستنــا ئــۆزونــێ یــە
نە قەبینــا کەوێن مێ یــە.
ھـەرفتنــا دەنگایــە 
پارڤەکــرنــا گونەھێن زارۆکــا یــە.
پرسەکــە..
خەونــا دگەزە
ترســەکــە..
رەڤیــنێ د دزە
گـــــریــەکــە..
کەنـیێ ڤەدخــوت
بڕیـــارا ل بەندەرێ پەشیمــانیێ دھـــاژوت.
ئەڤا ئەز ڤەدگێـرم
ستێرەکـــە..
رێکێ بەرزە دکــە
سوونــدەکــە..
ئاشتیێ د ئازرینە
پەندەکــا ڤارێ یــە
سەربــورەکــا بێ خوێ یــە
ھەستەکــا پیـــرە
دووکـێـلا جگــارێن نەکێشایی یــە
دەموکــراسیــیەکــا مەستــە
چیروکــەکــا بێ سەروبــەرە
نڤێـژا زەردەشتێ کــالە.
سەمــایەکــا بێ ئاوازە..
کەسێ ناھەژینە.
سترانــەکــا بێ پەیڤــە..
گوڤەنــدا ناشارینە.
کەڤوکــان درەڤینە.
ئەڤــا ئەز ڤەدگێرم
پاییــزەکـە..
ئەڤینـداران دبەھـیـا خوە دا دڤەشێرە
تەڤ بەرسڤان بێ پرسیــار دھێلە
ژیــانێ ژ ڤیــانێ ڤـــەدەر دکە 
سینگان ژ نھینییان ڤالا دکە
سـلاڤان ژ تەڤ رامانان ڤاژی دکە
دەنگێن دن تەڤان دسەرێ من دە کوم دکە 
ھەمــوو دەنگ دبنە ڤولکـان..
بوھارا عاشقان دسوژن 
ھەموو رەنگ دبنــە زریــان..
گەمیڤانان دکـــــوژن.