ب ریێا نیشادانا فلكلورێ كوردی ئه‌م شیاین كوردستانێ بدنه نیاسین
ده‌زگه‌هێسه‌ما كوردیا چاند و هونه‌ری لسالا2005 ل ئيماراتی هاتیه دامه‌زراندن و نها دوو تیپێن هونه‌ری هه‌نه و رادبه ب چاپكرنا په‌رتووكێن كوردی, ل دووڤ ئاخفتنێن سه‌روَكێ ده‌زگه‌هێ سه‌ما كورد دبێژه: (ده‌زگه‌هێ سه‌ما بوویه پركا هه‌ڤناسینێ دناڤبه‌را كورد و ئه‌ره‌بان دا).
عارف ره‌مه‌زان سه‌روَكێ ده‌زگه‌هێ سه‌ما كورد یێچاندا هونه‌ری ل ئيماراتێ دیاركر كو ده‌زگه‌هێ مه ب ریێا ئه‌نجامدانا چالاكیێن هونه‌ری هه‌موو بیروه‌ریێن مله‌تێ كورد ساخدكه‌ته‌ڤه, ئه‌ڤ ده‌زگه‌ه ل سالا2005 ب فه‌رمی هاتیه دامه‌زراندن و هكوومه‌تا ئیماراتی موَله‌تا كاركرنێ پێدایه و گوَت: دو تیپێن هونه‌ری ل ده‌زگه‌هی هه‌نه زێده‌باری چاپكرنا په‌رتووكێن كوردی ل ئیماراتێ, هه‌ر تیپه‌كا هونه‌ری ژ14 ئه‌ندامان پێك دهێت و چ لایه‌ن پشته‌ڤانیا مه ناكه‌ن ب ته‌نی گروَپێهه‌جی ئارفێبازرگان پشته‌ڤانیا ده‌زگه‌هێمه دكه.
سه‌روَكێ ده‌زگه‌هێ سه‌ما كورد یێ چاندا هونه‌ری گوَت: ئه‌م یه‌كه‌مین ده‌زگه هێ كوردی بوونه ل ئیماراتی كو ئه‌م شیاینه فلكلوری كوردی بو خه‌لكێ هندێ و پاكستانێ و ئيماراتێرا بدنه ناسكرن و فیسته‌ڤالا دوبه‌ییا سالانه دا ژ سه‌رجه‌مێ38 وه‌لاتان مه شیا پلا یه‌كێیا نمایشكرنا جل و به‌رگێن كوردی ب ده‌ست خوَڤه بینین.
عارفی ئاشكرا كر كو سالانه فیسته‌ڤالا دوبه‌ی دهێته كرن و هه‌ر وه‌لاته‌ك گوَنده‌كێ خوه ده‌ست نیشان دكه, د وی گوَندی دا فلكلوری خوه نیشاده‌ت و سالانه ئه‌م پشكدار دبن لێهه‌تا نها مه نه‌شیایه گوَنده‌كێ كوردستانێ تێدا دروست بكن و فلكلورێ خوه نیشا وه‌لاتێن بیانی بدن چونكوو ئه‌و دخوازن ئه‌م ب ناڤێده‌وله‌تا كوردستانێپشكدار ببن لێهیێشتا ئه‌و ده‌لیڤه بوَ مه دروست نه‌بوویه ئه‌م ل به‌ر ده‌رگه‌هێگوَنده‌كێێراقی فلكلوری خوه نیشا بددن.
سه‌روَكێ ده‌زگه‌هێ سه‌ما كوردیی چاندا هونه‌ری ئاماژه دا وێچه‌ندێكو184 نه‌ته‌وه ل ئيماراتێ دژێن مه‌یا شیایه فلكلورێكوردستانێ بده‌ینه ناسین ب هه‌موو نه‌ته‌وه‌یێن وی وه‌لاتی ب راستی ژیگه‌له‌ك جاران مه فلكلورێ خوَ نیشادی یه و هه‌موو خه‌لك مایه هێبه‌تی ژبه‌ر فلكلورێمه.
عارف ره‌مه‌زانی خویاكر كو ژبلی ئه‌نجامدانا چالاكیێن هونه‌ری ئه‌م رادبین ب چاپكرنا په‌رتووكان ژی بوَ نڤیسه‌رێن كورد ل ئیماراتی وهه‌تا نووكه مه‌یا شیانه پتر ژ40 هزار په‌رتووكا چاپ بكنكو هه‌ر په‌رتووكه‌كا ئه‌م چاپ بكن90% بوَ نڤیسه‌ری یه و 10% په‌رتووك بوَ ده‌زگه‌هییه ڤێرێژی ئه‌م ناڤ دام و ده‌زگه‌هێن حكوومه‌تا ئێماراتی به‌لاڤ دكن بوَ ناساندنا ناسنامه‌یا مله‌تێكورد.
د به‌رده‌وامیا ئاخڤتنا خوه دا سه‌روَكێ ده‌زگه‌هێ گوَت: ده‌زگه‌هێ سه‌ما كوردیی بوویه پرك د ناڤبه‌را سینه‌ماكارین كوردستانی و ئيماراتی دا و گه‌له‌ك جاران فلمێن سینه‌مایی مه ژ كوردستانییێن برنه دوبه‌ی ل هوَلێن وان سینه‌مایا هاتنه نیشادان وه‌كو فلمێ زاروَكێن دیاربه‌كر و فلمێ هه‌له‌بجه و ئه‌نفال و گه‌له‌ك فلمێن دی كو هه‌موو بوونه جهی سه‌رنجراكیشانا خه‌لكێدوبه‌ی.
عارف ئی ئه‌و ژی دیاركر كو گه‌له‌ك جاران ده‌مێ ده‌هوات ل ئيماراتێ دروست دبن و ئه‌م دهێنه داخوازكرن ب داهوَل و زه‌رنایێ پشكداریێ تێدا بكن و مه دوو تیپ هه‌نه ئه‌و ژی تیپا سه‌ما كورد و تیپا عامودێ هه‌ر دو ژی هونه‌رینه و ب جل و به‌رگێن كوردی پشكداریێ دكن و ده‌مێه‌م پشكداربن خه‌لكێ وان هه‌موو دمینن هیبه‌تێ, ب ته‌نێته‌ماشه‌ی مه دكن.
ل دووماهیێ ژی سه‌روَكێ ده‌زگه‌هێ سه‌ما كوردیێ چاندا هونه‌ری گوَت: چه‌ندین چالاكیێن هونه‌رییێن مه‌زن بوَ ناسینا مله‌تێكورد ل ئيماراتێ مه ئه‌نجامدانه و مه‌زنترین كونفرانسێ كورد و عه‌ره‌ب مه ئه‌نجامدانه, ئه‌ز باوه‌ر دكه‌م ئه‌ڤ ده‌زگه‌هه بوویه پرك بوَ پتر هه‌ڤناسینێ د ناڤبه‌را كورد و عه‌ره‌بان ده.
دوهوَك, له‌زگین جوَقی: روَژناما ئه‌ڤروَ
2012-04-12
- 3166 خوێندنەوە
