د ۲یه‌مین فه‌ستیڤالا فيلمان ئا زاگرۆسێ فلمێن کوردی تێن نیشاندان
فه‌ستیڤالا فیلمان ئا زاگرۆسێ کو ناڤێ خوه ل چیایێن زاگرۆسێ گرتیه، وێ د ته‌ڤاهیا مه‌ها سباتێ ده ۲۰فیلمان بێپه‌ره پێشکێشی ته‌ماشه‌ڤانان بکه.
فه‌ستیڤالێ د ۱ئێ سباتێ ده ده‌ست پێ کر. د فه‌ستیڤالێ ده فیلمێن کو ب زاراڤایێن جودا یێن کوردی هاتنه کشاندن هه‌نه. هه‌موو فیلم دێ ب ژێرنڤیسا ئینگلیزی بێن نیشاندان.
د فه‌ستیڤالێ ده ب مه‌به‌ستا کو د جیهانا سینه‌مایێ ده زێده‌تر ده‌رکه‌ڤن پێش، قاده‌کی تایبه‌ت ژ بۆ ده‌رهێنه‌رێن ژن هاتیه ڤه‌کرن.
ل گۆری نووچه‌یا کو ل سه‌ر مالپه‌را فه‌ستیڤالێ هاتیه وه‌شاندن، به‌رپرسێ فه‌ستیڤالێ سیمۆن سلێمانی گۆتیه کو ئه‌ڤ فه‌ستیڤال وه‌که یه‌که‌مین فه‌ستیڤالا فیلمێن کوردی یا ئۆنلنه یه و هه‌روها ده‌رفه‌ته‌که بێهه‌مپا یه ژ بۆ پێشکێشکرنا میراتا چاندی یا ده‌وله‌مه‌ند و جهێره‌نگ ئا کوردستانێ و ه
ئێزا سینه‌مایێ ژ بۆ ته‌ماشه‌ڤانێن جیهانی.
هه‌روها سلێمانی دبێ: “فه‌ستیڤال سینۆران بێواته دکه و هه‌موو کوردێن جیهانێ و هه‌ر که‌سێن کو ب چاندا کوردی ڕه ئه‌له‌قه‌دار دبن، دگهینه هه‌ڤ.”
فیلمێن کو تێن نیشاندان: https://zagrosfestival.com
خوه‌بون
- 51 خوێندنەوە
