رێورەسمێن رێزلێنانێ ل د. عەبدولرەحمانێ مزووری دهێنە گێران

  ل رێکەفتی ٢٠٢٥/٢/١٣ رۆژا پێنج شەمب ناڤەندا خانی یا روشەنبیری و راگەهاندنێ ب ئامادەبونا بەرێز سەربست لەزگین ئەندامێ مەکتەبا سیاسی و بەرپرسێ مەکتەبا رێکخستنا پارێزگەها دهوکی یا پارتی و هەڤال صباح بیت اللە جێگرێ وی و شاندێ دگەلدا ل بارەگایێ ئێکەتیا نڤیسەرێن کورد رێورەسمێن رێزلێنانێ ل هەلبەستڤان و نڤیسەر و ڤەکولەر د عەبدولرەحمان مزوری هاتنەکرن.

دڤێ رێورەسمێ دا کو ژمارەکا باشا ئەدیب و نڤیسەر و روشەنبیر و دوست و هەڤال و کەسوکارێن مزوری د بەرهەڤبوون، 

لبەراهیێ مە پەیڤا  ناڤەندا خانی پێشکێشکر، پشتی ب خێرهاتنێ ل ئامادەبوویان، باسێ گرنگیا رێزلێنانێ ل نڤیسەر و ئەدیب و هونەرمەند و بەهرەداران کر و  وەسا نیشادا کو د عەبدولرحمان مزوری ستێرەکا گەشە ل ئاسمانێ ئەدەبیات و روشەنبیریا کوردی دا و بەرهەم و خزمەتا وی یا نێزیک شیست سالان  هەژی رێزلێنانێیە لەوان مە ئەڤ رێورەسمە بۆ گێران،.

پاشی بەرێز د سالار عثمانی پەیڤا بەشێ روشەنبیری و راگەهاندنا پارتی پێشکێشکر و تێدا باسێ کار و بەرهەمێن  د عەبدولرەحمان مزیری  ل ماوێ نیڤ سەدەی دانە دیارکرن کو دوازدە کتێب و چەندین نڤیسین و ڤەکولینن دیتر کو هەمی پر بهانە و   ژ بەر هندێ ئەڤ نڤیسەرێ مەزن هەژی رێزلێنانێ هاتە دیتن و ئەف رێورەسمە بو دهێنەگێران، و مە ژی بۆ ڤێ هەلکەفتێ چار بەرهەمێن وی چاپکرینە، و هیڤیا لەش ساخیێ و تەمەن درێژیێ بو خواست. لدیفدا پەنەلەک هاتە پێشکێشکرن ژلایێ هێژایان موید تەیب و د محمد صالح زێباری و د عارف حیتو و مصدق توڤی ڤە و هەر ئيکی ژوان لایەکێ بەرهەمێن مزوری یێن بەلاڤکری گەنگەشەکرن، پاش د مزوری هاتە خەلاتکرن ژ لایێ ناڤەندا خانی و بەشێ روشەنبیری و راگەهاندنێ و مەکتەبا رێکخستنا پارێزگەها دهوکێ و  ئێکەتیا نڤیسەران و رێڤەبەریا گشتیا روشەنبیری و خێزانا وی ڤە ، و ل دوماهیێ نڤیسەرێ مەزن عەبدولرەحمان مزوری پەیڤەک پێشکێشکر تێدا سوپاسیا هەمی لایەنان کر یێن ئەڤ رێورەسمە بەرهەڤکرین و ئامادەبووین لڤێ هەلکەفتێ و چەند پارچە هەلبەست خاندن.