شێخمووس سەفەر “پەنا کورد سیوانا ھەموو نڤیسکارێن کوردە” ...ھۆزان ئەمین

ھەلبەستڤان و نڤیسکار شێخمووس سەفەر د 1977ل مێردینێ ژ داییکبوویە، د سالا 2012بوویە سەرۆکێ کۆمەلەیا نڤیسکارێن کوردا ئامەدێ،

و د 2013د ئەنجاما کۆنگرا 8يا پەنا کورد ل ئامەدێ، ھاتە ھلبژارتن بۆ سەرۆکاتیا پەنا کورد، ل سەر ڤێ بابەتێ دبێژە کو ئێدی ناڤەندا پەنا کورد ل ئامەدێیە، ھەر وەھا د وێ دەربارێ دە دبێژە “ د رێڤەبەریا مە دە ژ ھەر چار پەرچەیێن وەلێت نڤیسکار ھەنە، ژ بۆ ئەندامکرنێ ھەتا ئانھا مە جڤینێن خوە ل باکور و رۆژاڤا چێکرنە و ب دەھان کەس بوونە ئەندامێن مە” و دبێژە کو وێ جڤینێن بەرفرەھکرنا ئەندامێن خوە ل ھەرێما کوردستانێ ( دھۆک- ھەولێر- سلێمانیێ) د ئادارێ دە وێ چێکن و پێوەندیێ خوە ل گەل نڤیسکارێن کورد کرنە و ژ وان داخوازا ئەندامەتیێ کرنە، و بەردەوام دکە و دبێژە کو “پەنا کورد سیوانەکە کو ھەموو نڤیسکارێن کورد دکارن تێ دە خوە ئیفادە بکن”

د سالا 2006 ژ وەشانخانەیا لیسێ ب ناڤێ “بیستان ھاتن بەردان” و د سالا 2011 دە ژ وەشانخانەیا رۆناھی ب ناڤێ “پشتی خەزال تەرقیان” دو بەرھەمێن وییێن ھەلبەست ده ركه تنه، ھەر وەھا د گەل وان کاران تەڤا دە رۆژنامەگەریێ ژی دکە، و گەلەک پرۆگرامێن وێژەیی و ھونەری د تي ڤی ێين کوردی ئامادە و پێشکێش کرنە، و د رۆژنامە و مالپەرێن کوردی دە ب سالایە و ب ئاوایەکی بەردەوام نڤیس و گۆتارێن وی بەلاڤ دبن، ل سەر ھەردوو دیوانێن خوەیێ ھەلبەستێ دبێژ “ئەڤ ھەردوو بەرھەم ھەر چقاس ژ ھەڤ جودا بن ژی د بنگەھا خوە دە دشبن ھەڤ. ژ بەر کو بێتر ھەستێن من و ھەزکرنێن من و زارۆکتیا منن ھەموو. مژارێن ھەلبەستێن من ژی ب تەڤایی ئەڤن. من چ حس کربە بێیی کو ئەز ل پەیڤان بگەرم، بەیی کو ئەز ب ھەڤۆکان بلیزم و بەیی کو ئەز بفکرم گەلۆ گاڤا کەسەک بخوینە وێ چ بێژە، من ئەو نڤیساند. ل گۆری نەرینا من د گەلەک جوورەیێن وێژەیێ مرۆڤ دکارە گەلەک تشتان تێدە بوغەرە وەکی سەناریۆ، یان چیرۆکێ و ل ھەڤ بینە، لێ د ھەلبەستێ دە ئەڤ نابە، ھەلبەست دلە و مرۆڤ نکارن پێ بلیزن، گاڤا کەسەک ب ھەلبەستێ لیست وەکی ب دلەکی دلیزن، باوەری نامینە.

و ل سەر پێوەندیێن رەوشەنبیری د ناڤبەرا نڤیسکارێن کورد دە دبێژە کو “پەیوەندیێن مە ب گشتی مخابن ژ فەستیڤالێ ھەتا فەستیڤالێیە، ئەو ژی نە ژ بۆ پێشخستنا زمان و وێژەیێیە. فەستیڤالەک ل دار دکەڤە و وەکی ‘مێڤان ئەم زیارەتێ ھەڤ دکن، بەردەوام دکە و دبێژە “ ئەم ھەڤ ناس ناکن، بەرھەمێن ھەڤ ناخوینن و قیمەت نادن ھەڤ”