فلمێ زاگرۆس د ئێكه‌م پشكدارییا خوه دا باشترین خه‌لات بده‌ستڤه‌ئینا
فلمێ زاگرۆس ئێكه‌مین فلمێ درێژ یێ سینه‌ماكار و ده‌رهێنه‌رێ كورد یێ ناڤدار سه‌هیم عومه‌ر خه‌لیفه یه و د ئێكه‌م پشكداریا خۆدا خه‌لاتێ باشترین فلم بده‌ست خۆڤه بینیت.
سه‌هیم عومه‌ر خه‌لیفه‌ى تایبه‌ت بۆ وار دیاركر كو فلمێ وى یێ ب ناڤێ، زاگرۆس پشكداربوو د خولا چل و چوارێ یا فلمه فه‌ستیڤالا گێنت دا ل وه‌لاتێ به‌لژیكا و پشتى هه‌ڤركیێ دگه‌ل یازده فلمان ل داویێ شیا خه‌لاتێ باشترین فلم بده‌ست خۆڤه بینیت و دهێته زانین ژى كو ئێكه‌م فلمێ كوردى به‌لژیكى یه د مێژوویا فه‌ستیڤالێ دا و هه‌ر دیسان ژى ئێكه‌م فلمێ هه‌مان وه‌لات ژى بوو د پشكا هه‌ڤركیا بده‌ست ڤه‌ئینانا خه‌لاتان دا.
سه‌هیمى ئاماژه ب وێ چه‌ندێ ژیكر كو فلمێ وى دێ پشكدارى چه‌ندین فلمه فه‌ستیڤالێن نێڤده‌وله‌تى بیت و د هه‌موو پشكداریێن خۆدا دێ د پشكا هه‌ڤركیێن بده‌ست ڤه‌ئینانا خه‌لاتان دا هه‌ڤركیێ كه‌ت.
WAAR-دهۆك
- 2047 خوێندنەوە
