قوتابییێن زانكۆیا دھۆك شانۆگەریەك ل باژێرێ ئامەدێ نیشاندا
ل رۆژا سێشەمبی رێكەڤتی ٥ـی ئەیلولێ ٢٠٢٣، كۆمەكا قوتابیێن زانكۆیا دھۆك یێن پشكا دراما یا كۆلیژا زانستێن مرۆڤایەتی، شانۆگەریا "دەروێش یان گودۆ" ل باژێرێ ئامەدێ ل باكورێ كوردستانێ نیشاندا.
ھەژی گۆتنێ یە شانۆگەریا "دەروێش یان گودۆ" وەكو پرۆژەیێ دەرچوونێ یێ قوتابیێن قۆناغا چوارێ ل پشكا درامایێ ل كۆلیژا زانستێن مرۆڤایەتی ل باژێرێ دھۆكێ ھاتبوو نيشاندان، و ل دویڤ دا ل باژێرێ زاخۆ ژی ھاتبوو پێشكێشكرن، د پلاندایە ئەڤ شانۆگەریە ل باژێرێن ھەولێر، سلێمانی، كەركوك، و ل رۆژھەلاتێ كوردستانێ ژی بھێتە نیشاندان.
شانۆگەریا "دەروێش یان گودۆ" ژ نڤێسینا ھەلكەت ئدریس عابدی یە و ئامادەكرن و دەرھێنانا حەمرین جەمیلی یە، ئەكتەر و ستافێ شانوگەریێ ژی ژ قۆتابیێن پشكا درامایێ یێن زانكۆیا دھۆك پێكدھێن.
Xani Agency
- 500 خوێندنەوە
