ل دهۆكێ شه‌ڤانه ئاهه‌نگان دهێنه گێران
ب هلكه‌فتا هه‌یڤا ره‌مه‌زانێ و ب ئارمانجا به‌لاڤكرنا ده‌مێن شاد دناڤ خه‌لكیدا، گرۆپێ فه‌رهه‌نگخانا دهۆك یا لاوان شه‌ڤانه ئاهه‌نگێن موزیكێ دگێریت.
ئه‌ندامێ ده‌سته‌یا كارگێریا فه‌رهه‌نگخانا دهۆك یا لاوان، بێوار ته‌حسین، ب ئاژانس و رادیۆیا په‌یامنێر راگه‌هاند، ژ ده‌ستپێكا مه‌ها ره‌مه‌زانێ وه‌ره ئه‌ڤ ئاهه‌نگه د به‌رده‌وامن و هه‌ر شه‌ڤ ل جهه‌كێ تایبه‌تێ خه‌لك بۆ بۆراندنا ده‌مێن شاد د ره‌مه‌زانێدا قه‌ست دكه‌نێ.
ئیماژه ب وێ چه‌ندێ ژی دا، هه‌ر ئاهه‌نگه‌ك نزیكی دوو ده‌مژمێران ڤه‌دكێشیت و دبیته چالاكیه‌كا هونه‌ری بۆ وان وه‌ك فه‌رهه‌نگخانه و خه‌لك ژی پێ دلخۆشه.
بێوار ته‌حسین دیاكر، د شه‌ڤێن ڤێ مه‌هێدا كو ژیان ب شه‌ڤ ژیانه‌كا نوو یا ده‌م بۆراندنێ ل دهۆكێ ده‌ست پێدكه‌ت، خه‌لك قه‌ستا باخچه و جهێن گۆزاری دكه‌ن، وان ژی ئاهه‌نگێن میوزیكێ ل هنده‌ك ژ وان جهان ئاماده‌كرینه و ژ وان باخچێن پانۆراما ئازادی، گه‌لیێ دهۆكێ و پاركا بارزانی تیپا وان ژ كۆمه‌كا گه‌نجێن موزیكڤانێن دهۆكێ پێكدهێت.
ئیسماعیل تاهیر/ پ. ف (PNA)-
- 2043 خوێندنەوە
