نڤیسکار تەنگەزار مارینی (ئەڤ دەم لازمە کو مەرە سیاسەتێ بکە، و ئەم ب ھەڤرە ب یەکبن)

ھۆزان ئەمین-تەنگەزار مارینی نڤیسکارەکی کوردە ل رۆژاڤایێ کوردستانێ ل باژارێ تربەسپیێ سالا ١٩٥٩ھاتیە دنە، پسپۆریا کارمەندیا مەدیا نوو (communication, relation, presentation ) خوەندیە ،

ژ دەمەک درێژ دە ل وەلاتێ ئالمانیا دژی ، و گەلەک خزمەتێن وی د بەوارە ئەدەبیاتا کوردی دە ھەنە نەخاسمە د وارە پێوەندیان دە د ناڤبەرا وێژەڤانێن کورد وێىئالمان، ل سەر ھەلبەست و وەرگەرێ گەلەک کارێن ب نرخ ھەنە، ھەر وەھا گەلەک بەرھەمێن ویێن ئەدەبی ھاتنە چاپکرن ، د گەلەک کۆڤار و رۆژناما و مالپەرا دە دنڤیسە و یەک ژ وان ژی رۆژناما    ئه ڤرو يه ، مە دەلیڤە دیت کو ئەم ل سەر کار و خەباتێن وی ھن ئاگاھیان وەرگرن ، ب کێفخوەشی بەرسڤا مە دا.

د دەستپێکێ دە د دەربارێ بەشداریا خوە د دیدارا رۆمانا کوردی دە یا کو یەکیتیا نڤیسکارێن کورد ل دھۆکێ ساز کربوو ، و مەرەم ژ ڤێ دیدارێ و ئارمانجێن وێ وەھا ئاخڤت: ب راستی فەستڤال تشتەکی پیرۆزە ، بەری ھەر تشتی رۆمانڤیس و رەوشەنبیرێن مە ، و نڤیساکرێن ژ ھەر جوورێ ئەدەبی  بە ب ھەڤرە داخڤن و ھەڤ ناس دکن، ئەڤە گەلەک گرینگە ، دەما کو مەرە ژ نێزیک ڤە ھەڤدوو ببینە، گەلەک باشترە مەرە ژ دوور ھەڤ بناسە ، وێ چاخێ وە ھزر و بیرێن ھەڤ ب یەکو و دوو رە پارڤەبکن، و ئەڤ دبە ئەگەرێ رێخوەشکرن و دانینا زەمینێ بوو خوەندن و لێپرسینێ، ھەر وەھا ژ بۆ تێکلیان د ناڤبەرا پەرچەیێن کوردستانێ و خورتکرنا وێ دە ، ھەر وەھا ناسکرنا زارڤایان ئەڤ ژی خالەکە گرینگە کو ل سەر کار و چالاکیێن خو ژ ھەڤ  ئاگه هدار بن، ،ئا دن ژی د ڤان جورە فەستیڤالان دە گەلەک گۆتار و سمینار تێنە خوەندن، وێ ھن ژێ باش بن ھن ژێ ژی وێ نە باش بنرخینن، و ئەڤ رێ ل بەر نڤیسکاری ڤەدکە کو د گەل خوە دە گفتووگۆ بکە و د گەلێ دن ژی ، و وێ ل سەر ئەنجام و ئەرمانجێن وێ وەرە ئاخافتنکرن، من ژی بابەتەک پێشکێش کر ، و من خوەندنەک نوو ژ بەرھەمەکێ رە دانی ، و ل سەر تەکنیک و شێوەیێ نوو ، کو د دبستانێن پشتی سالێن ٢٠٠٠ێ ئەدەبیاتێ ، من ھەول دا ئەز وان دبستانا نوو وێ ئەستەتیک لێ بنێرم.

ئەم ھاتن سەر رەوشا رۆژاڤایێ کوردستانێ و ب ڤی شێوەیی نرخاند : ب راستی رەوشا رۆژاڤایێ کوردستانێ من گەلەک مژوول دکە، و نھا من گرانی دایە سەر، ژ بەر ب ھەبوون و نەبوونا ملەتێ مە ڤە گرێدایی و مەسەلاکە رەوشتییە و وەک ئەرکەکی مرۆڤایەتی ل سەر ملە ھەر مرۆڤەکی چ رەوشەنبیر چ مرۆڤەکی دی، ئەڤ ھەمی دەمێن من برنە، و ھەولدانێن من د بەوارە کارێ مرۆڤان رە گرێدایی و ب وان پێوەندیێن کو من ئاڤا کرنە ب وان کەسێن کو کاربن خزمەتێ بکن ، و دەزگەھ و سازیێن ناڤنەتوی، کو ئەز پرسا کورد و ئا پەنابەران و ھەروەھا پرسا سوورییێ ب گشتی ئەم ژ وان رە راڤە بکن.

ب مخابنی کوردێن مە ئیرۆ سیاستێ ناکن لێ بەلێ پارتیتیێ دکن، ئەڤ دەم لازمە کو مەرە سیاسەتێ بکە، و ئەم ب ھەڤرە ب یەکبن.

ھەر وەھا لازمە مەرە ب ئێشا ھەمی مرۆڤێن ل سووری دژین بحه سە و ب وان رە بێشە ، ئەم وەک کورد وەک سووری دڤێ ئەم ھەمی ھەولدانا بکن تا کو ئەم خوە و پرسا خوە ، ب دنیایێ ڤە بدە ناسکرن، و ڤی کارێ قرێژیێ کو ئەڤ رێژیما سوورییا زالم دکە ، راستیا وێ ئەشکەرە بکە.

و ل سەر خەباتێن خوەیێ ئەدەبی ژی گۆت کو ئەز مژوولی وەرگەراندنا رۆمانا رۆمانڤیسێ ئەلمانیێ ناڤدار گۆنتەرگراس یا ب ناڤێ مشک و پسیک، و ھەر وەھا من ھن ھەلبەستێن ١٣٠ ھەلبەستڤانێن ئالمان وەرگەراندنە زمانێ کوردی، و ھنەک ژ وان رۆژناما وار بەلاڤ کرنە، ئەڤ کار ئەز ژ زوودە دکم، و د دەست من دە پر لاپەر چێبوونە ھەتا ١٠٠٠ لاپەر دەرباسکریە، من دەق و ھەلبەست و کورتەژیانا وان وەرگەراندیە، و من پرتووکەک د بەوارە رەخنێ دە ژی ئامادەکریە، ل سەر تیۆرا رۆمانێ و پراکتیکا وێ گەلەک بابەت من ھازر کرنە، و من گەلەک رۆمان خستنە د بن وێ دیتنێ و لێکۆلینە دە ، و ب ڤێ ئاوایی ئاخافتنا مە ل ڤر ب سپاسی قەدیا     .

روژناما ئه ڤرو-  www.evropress.org