پێشه‌نگه‌ها داناسینا ده‌نگێن ژنێن مه‌زۆپۆتامیا ل ئامه‌دێ هاته ل دارخستن.
پرۆژه‌یا ده‌نگێ ژنێ یا مه‌زۆپۆتامیایێ ب مه‌راسیمه‌کێ د ڕۆژا یه‌کشه‌مبێ ۱٤ تیرمه‌هێ ل قه‌سرا ئیسکه‌نده‌رپاشا یا دیرۆکی یا سوورا ئامه‌دێ هات ناساندن.
د داناسینا کو ل قه‌سرا ئیسکه‌نده‌رپاشا یا دیرۆکی هات لدارخستن ده وێنه‌یێن ژنێن کو ژ به‌رێ هه‌تا نها ده‌نگبه‌ژی دکرن هاتن پێشاندان، قه‌یدێن که‌ڤن و ئاموورێن موزیکێ یێن کو ل ور هاتن دیتن، ته‌ماشه‌ڤانێن کو هاتن پانه‌لێ ب نۆستالژیێ ڕه ده‌رباس کرن.
د پێشه‌نگه‌هێ ده په‌ناله‌ک ژی هاته ل دارخستن و سه‌رپه‌رشتا پرۆژه‌یێ زه‌ینه‌پ یاش دا زانین و دیار کر کو قه‌یدێن ده‌نگێن به‌رێ یێن کو د ده‌ستێ وان ده نینن ژ وان ڕه بێن دایین و گۆت، "ئه‌ڤ پرۆژه لێکۆلینه‌ک ئه کو ل سه‌ر ئارشیڤێن ۲٥ ژنێن ده‌نگبێژ و زاربێژ ژ ئالیێ چاند جڤج ڤه هات ده‌سته‌ککرن.
خه‌بات وه‌کی پرۆژه‌یه‌که هه‌ڤپار ئا گۆئه‌تهه-نستتوت و یه‌کیتیا ئه‌ورۆپایێ هات مه‌شاندن. ئه‌ڤ پرۆژه ژ بۆ ده‌رخستنا ئارشیڤێن ژنێن ده‌نگبه‌ژ و زاربێژ ئه. و دا زانین کو د مه‌شاندنا ڤی کاری ده ژی گه‌له‌ک هه‌ڤال جهێ خوه گرتنه. و وێ ئۆرگانیزه دکر دا کو ئارشیڤێ ده‌رخینن ڕۆناهیێ، ژ بۆ کو ئارشیڤ دیار ببن و د ڤێ مژارێ ده زێده‌تر هشیاری چێببه.
هێژایی گۆتنێ یه کو گه‌له‌ک هونه‌رمه‌ند و که‌سێن کو که‌دا وان د ڤێ پرۆژه‌یێ ده هه‌بوو به‌شدار بوون و به‌هسا ڕۆلا خوه د ناڤا ڤێ خه‌باتێ ده کرن وه‌ک (عه‌یشه ته‌په دۆگان – م. مه‌هدی کزل- به‌ره‌که‌ت ئۆزمه‌ن- عالادین کلچ – موراد دلدار- سه‌یفدین گوره‌ن- گۆکچه سه‌لیم- ئیحسان زانیار- شه‌نای کوموز- بێریڤان ماتیار- مه‌هدی ژافاریزاده- و مه‌حمه‌د ده‌مر) و ئه‌ڤ چالاکی ل ئامه‌دێ ده‌ستپێکر و وێ ل مێردینێ و پشتره ژی دێرسمێ بدۆمه. و پێشه‌نگه‌ه هه‌تا ۳ڕۆژان وێ ڤه‌کری به ژ ته‌ماشه‌ڤانان ڕه.
- 227 خوێندنەوە
