Share |

ژ بۆ بيرئانينا هوزانڤان ...گولنار عه لى

 

تارا بوكا ئەفسانەوی

 

ژ سنگێ خەونا خوە

گولھێڤيێن بەندەمانێ دچنم

دكەم تارەيا بوكا ئەفسانەوی

د راستيا خەوندار دە

شەڤ و رۆژان

بەردەرگەھێ باخچێ ھەستيار

دگەھن ھەڤ

بەر شاپەرێن شالوولان

شەڤنەما شلێران

د پەرداخێ شێتاتيا ڤێ شەڤێ دە دووربوونێ دكەيێنن

بلا گولاڤ مە مەست بكەت

ب دیناتی

ب دووراتی

دێ بلا ب خەوا بێسودە گێژ ببین

د خەوا گران دە، خەونا خوە نوو بكن

ئەڤەيە د دەستێ مە دە مايی

ژ بھنا ڤێ راستيا نەبەرھۆز

 

 

 

د ناڤ زنارێن ئشقێ دە

شەڤەكە راوەستيايی ل بەر دەرگەھێ تە مە

پەرداخم، ژ بەر شەرابا تە درەڤم

و دگەل خوە شەڤێ دبم

تھنا خەونەكێ د ناڤ سیناريۆيا ژيانا من دە يی

ئاواز، د چیڤانۆكێن گرنژینا مێبوونا من دە بھوژی

تو سەرتیپا خەمێ يی،

گيانەكی د بیرا من دە

مینا تە ژ رۆژئاڤایيێ حه ز دكم

سنگىَ من، ل بەر سروودێن گريێ تە

مێرگەكە بێھنڤەدايی

 

گولنار عه لى