گەرۆکڤانێ کورد بەدەل رەڤو ل هولا بدەلیسی

لرێکەفتی ٦-١٠-٢٠٢١ ب ئامادەبوونا " د.مزگین محمد حسن" راگرێ کولیژا زانستێن مرۆڤایەتی و ب ئامادەبوونا ماموستا و قوتابی و تاخەکا ژ رەوشەنبیر و هونەرمەندان ، پشکا هونەرێن شێوەکاری سمینارەکا تایبەت بۆ رەوشەنبیرێ کورد "بەدەل رەڤو"ی لهولا بەدلیسی یا کولیژێ ل ژێر ناڤێ ( جیهان ب چاڤێ گەرۆکڤانێ کورد ) رێکئێخست.

دڤێ سمینارێدا گەروکڤانێ کورد "بدەل رەڤوی" بەحسێ گەریانێن خو ل وان وەلاتێن بیانی کر ، دیسان ئاماژە ب وان جهێن گەشت و گوزاری و جهێن موزەخانەیان دا و هەروەسا ئاماژە ب وان جهێن هونەری و کولتوری یێن وان دەڤەران دا ،  دیسان هەر دڤێ سمینارێ دا هندەک هزر و پێشینیار ئارستەی جهێن پەیوەندیدار کرن ژبو پێتر گرنگیدان ب جهێن گەشت و گوزاری و ڤەکرنا  پرەکا رەوشەنبیری دناڤ بەرا کوردستانێ و وەلاتێن بیانیدا.

پشتی سمینار ب دووماهیک هاتی ، دەرگەهێ دان و ستاندنێ هاتە ڤەکرن و ئامادەبوویان پشکداری د ڤێ سمینارێ داکرن و لدووماهیكێ راگرێ کولیژێ خەلاتێ رێزلێنانێ ئارستەی گەرۆکڤانێ کورد بەدەل رەڤوی کر و هەر وەسا سەرۆکێ پشکا هونەرێن شێوەکاری ژی ماموستا دلگەش جاسم ی ژی کەڤالەکێ هونەری یێ هونەرمەند دلشاد نائیف ی بۆ ناڤبری کرە دیاری و ئەو کەڤال وێنەیەکێ باژێرێ شێفشاون یێ وەلاتێ مەغرەب بوو و بدەستی هاتبوو چێکرن کو ئێکە ژ باژارێن سەرج راکێش لسەر ئاستێ جیهانێ.