Share |

ھونەرمەندێ کورد محه مەد تەیب تاھا کۆچا داوی کر.

پشتی خزمەت و خەباتەک ھونەری مەزن ل درێژاھیا ٥٠ سالی کو ب سەدان سترانێن فۆلکلۆری و نەتەوی و شۆرەشگەری و ئەشق و ئەڤینی،

رۆژا دوشەمبێ ١٥ تەباخێ ٢٠١٦  ھونەمرندێ کوردیێ ناڤدار مھمەد تەیب تاھا ل باژارێ بۆنیێ ئالمانیا کۆچا داوی کر.

محه مه د تەیب تاھا ل رۆژاڤایێ کوردستانێ باژارێ دێرکا ھەمکۆ ژ دایک بوویە، لێ ھن ژێدەر دبێژن کو ئەو ل باژارێ شەرنەخێیێ باکورێ کوردستانێ ژدایک بوویە پشتی وێ مالباتا وی کۆچی دێرکێ بوونە، ھونەمرەند م تەیب تاھا کوردستانی بوو و ل گەلەک دەڤەر و پرچێن کوردستانێ گەریایە و ب جیھ بوویە، کوردستان ب گوند و باژارێن خوە ھەر دەڤەر مالا وی بوو و خوە ژ ور ددیت، لۆما ئەو ل رۆژاڤا مەزن بوویە و ل ور سترانا خوەیا یەکێ سالا ١٩٦٣  دە تۆمار کریە، و پشتی خەوندنا خوەیا ئامادەیی قەداندیە د سالا ١٩٦٨  چوویە وەلاتێ لوبنانێ و ل پایتەختا وێ بەیروودێ پەیمانگەھا ھونەرێ جوان خوەندیە، و ل ور د گەل خوەندنا خوە دە، ب ھن سترانبێژ و ھونەمرەندێن کورد کۆما ئەرزیا ھونەرا کوردی دامەزراندنە، کو ئەو کۆم بەرفرەھ بوو نێزیکی ٧٥ ئاندامێن وێ ھەبوو و ل گەلەک شاھیا و ئاھانگاد بەشدار بوویە و چاند و ھونەرا کوردی پێشکێش کریە، و یەک ژ وان ئاھەنگێن ناڤ دار ئاھەنگا کو رێخستنا ئونەسجۆ ل دارخست د سالا ١٩٧٣.

لێ پشتی کو محه مه د تەیب تاھا ڤەدگەرە سووریێ د سالا ١٩٧٦ و ژ بەر کار و چالاکیێن وییێ ھونەری و نەتەوی ل سەر دەستێ رێژیما باعسیا سووریێ تێ گرتن و شەش مەھان د زندانێ دە دمینە، پشتی کو دەردکەڤە بەرێ خوە ددە کوردستانا باشوور و ل ور ژی ل سەر دەستێ رێژیما باعسیا ئیراقێ ڤێ جارێ تێ گرتن و وی سورگونی بەخدادێ دکن، و ژ ور نەچار دبە دیسا ڤەگەرێ رۆژاڤا و ژ ور بەرێ خوە ددە وەلاتێ خەریبیێ ئالمانیا و ل ور نەشتەجیھ دبە و مافێ پەنابەریێ دەستنە ھەیا سالا ٢٠٠٥ان دیسا ژ بەر ھەزکرنا وی ژ کوردستانێ رە بەرێ خوە ددە ھەرێما کوردستانێ و ل دھۆکێ ب جیھ دبە.

ھێژایی گۆتنەیە کو ھونەرمەند محه مه د تەیب تاھا یەک ژ پێشمەرگێ شۆرەشا ئەیلۆلێ بوو کو ل کوردستانا باشوور دەستپێکر و یەک ژ ئەندامێن رادیۆیا دەنگێ کوردستانا ئیراقێ بوو و بەرناماک چاندی ھونەری ھەر ھەفتێ جارەکێ پێشکێش دکر، ب کۆچکرنا وی ھونەرا کوردی یەک ژ ھونەمرندێن خوەیی مەزن وندا دکە کو ل درێژاھیا سالێن ھونەرا خوە نێزی ٢٠٠ ستران ب گۆتن و ئاوازێن خوە تۆمار کرنە و گەلەک ستران دانە ھونەرمەندێن ناڤدار و وێ ب ھونەرا خوە ھەردەم ساخ بە.

 

 

 

ھۆزان ئەمین