ھونەرمەند ئعتیدال" خەیالێ من کو ئەز ھونەرێ ب ئاوایێ ئۆپێرا بخوینم و بسترێم"... ھۆزان ئەمین

ھونەرمەندا کورد ئعتیدال ژ باشوور رۆژاڤایێ کوردستانێ باژارێ قامشلۆ یە، ژ بچووکتیا خوە دە ھەزا ھونەرێ پێرە پەیدا بوویە، و د ناڤا مالباتەکی ھونەرھەز دە رابوویە، و ستران گۆتنە د ناڤا کۆمێن ھونەری، و تەڤلی کۆما خەلات بوویە، و د گەل وان کاسێتەک تۆمار کریە و بەلاڤ کریێ،

ئعتیدال یەکەم ھونەرمەندا کوردە ل ئەستێ رۆژاڤا کو کاسێتەک تایبەت بۆ زارۆکان بەلاڤ کریە، و خوە دبینە د بن بەندۆرا گەلەک ھونەرمەندێن ناڤدار، و سترانێن وان گۆتنە، و دبێژە کو دەما ئەز بچووک بووم ل دەڤەرا مە ھونەرمەند سەلاح رەسوول ھەبوو دھات د داوەت و شاھیانا سترانێن تەحسین تاھا دگۆتن، د گەل ئاموورێن نووژەن یێ موزیکێ ئەو ھونەرمەند ب روحێ خوە و لڤ و تەڤگەرا خوە ل سەر دکە، مەرەڤ ھانددا ناڤا مەیدانا ھونەرێ، ھەر وەھا مەحموود عەزیز و برایێ خوە وەک دبستانەک ھونەری ل باژارێ سەرێ کانیێ دەرکەتن، محەمەد شێخۆ ب خوە ژی ستایلەک خوە یا تایبەت ھەبوو، و پێ دجە و دبێژە کو شڤان پەروەر و گولیستان ژی بەندۆرا وان ل سەر ھونەرا من ھەیە.

ئعتیدال بەحسا بەرھەمێ خوە کر و گۆت من ھەیا نوکە ٣ بەرھەم دەرخستنە، د سالا ٢٠٠٢ د یا زارۆکان تایبەت، و د ٢٠٠٨ کاسێتەک ب ناڤە “جەژنە ئیرۆ” دەرخستیە، و د ڤان سالێن داوی دە ژی ئا سسیان من دەرخست.

ل سەر رەوشا رۆژاڤایێ کوردستانێ ب خەمگینی دبێژە کو ئەڤرۆ شۆرەش پدڤی مە یە، ھەر وەھا پێدڤیا شۆرەشێ ب ھەر کەسی ھەیە و ھەر کەس ل گۆرا ئیمکان و کارینا خوە، لێ ب مخابنی ژی ددە نیشان دان کو ئەو ژ نەچاری دەرکەتنە و بەرێ خوە دانە ھەرێما کوردستانێ و ل دھۆکێ نەشتەجە بوونە، لێ دبێژە کو ئەم دکارن ل ڤر ژ خزمەتا شۆرەش و گەلێ خوە بکن.

لێ ددە دەستنیشان کرن کو ئەو ل دەما داوی ل باژارێ حەلەبێ دژیان و ژ بەر رەوش گەلەک ئالۆز ببوو نخاسم پشتی کو ناڤە وێ دەرکەت کو د دەستپێکا شۆرەشێ دە سترانەک ل سەر شۆرەشا سووری چێکریە، و ژ بەر گەف و زۆرێن ژیانێ نەجار بوویە د گەل مالباتا خوە سووری تەرک بکە.

ئعتیدال دبێژە کو خەیالێ من ئەو بوو کو ئەز ھەنەرێ ب ئاوایێ ئۆپێرا بخوینم و بسترێم لێ ژ بەر شەرت و مەرجێن ژیانا زەحمەت و کەچبەریا مە ژ باژارێ عاموودێ بەر ب قامشلۆ دە بەندۆرەک نیگاتیف ل سەر خوەندنا من کر و پوانێن من کێم بوون لۆما من نەکاری وێ خوەنێ جیبجی بکم، لێ پشتی کو ژیانا خێزانی ژ پێکانیێ و چوونە باژارێ حەلەبێ دیسا ژی ل پەیمانگەھا سەفوان عابد کو ھونەرمەندەکی ناڤدارە خوەندیە، لێ دیسا ژی ھەر داخوازێن مەرە پێک نایێن و نێڤجی دمینە گەلەک جاران، ھەزکرنا وێ ژ سترانا نەتەوی رە د سەر سترانا ئەڤینی رە یە، دبێژە ئەز حەز راستەقینیێ دکم لۆما ھەزەما ژ وی شێوەیی رە خورترە، بێ گومان بێ ئەڤینی ژی نابە، دڤە ھەبە، لێ دپرسە کانی ئەو پەیڤێن و ئاوازێن خوەش، ئەو پەیڤێن ژ بۆ ئەڤینەک برێز گەرەک بێ گۆتن؟

ئعتیدال گازندان ژ دەزگەھێن ھونەری ل رۆژاڤا دکە و دبێژە کو وان کاسێتێن وێ باش بەلاڤ نەکرنە تەڤی کو وێ ل سەر حەسابێ خوە تۆمار کریە و مافێ بەلاڤکرنێ دایە وان، لێ ژ بەر ئەگەرێن سیاسی و کێمخەمی کاسێتا وێ کو د سالا ٢٠٠٨ان بەلاڤ کریە نەھاتە ناسکرن.

لێ ھەر وەھا بەردەوام دکە و دبێژە کو ھونەرەمەند گەرەکە تەنێ ل ناڤۆدەنگێ خوە نەگەرە، و ئەز یەک ژ وان کەسا مە کو من کارێ ھونەری نەکر تەنێ ژ بۆ ناڤە خوە یان بێم شەھراندن، لێ تو دنەرێ ئەڤرۆ کو بخوازن ھونەرەمندەکی بدن ناسین ل سەر تلفزیون و رادۆیەیا ھەرسترانێن وی ئان وێ داتین.

د داویێ دە خوەست کو کوردێن رۆژاڤا بگھێن ئارمانجێن خوە، و گۆت کو ملەتێ رۆژاڤا ئەڤرۆ گەلەک پەریشان و د زەحمەتیا دە یە، تو دبینی ل دۆمیس چ ب سەرە وان ھاتیە، و من ل نەورۆزێ بۆ وان کۆنسەرتەک دا ، ئەم ب ھێڤی نە کو کورد ب سەر کەڤن، و ل بەر دەستێ من پرۆژا ئالبۆمەکێ ھەیە ھێڤیدارم ئەز کاربم ب داوی بینم و پێشکێشی گەلێ خوە بکم.