Share |

ھەلبەستڤانێ ناڤدارێ کورد شێرکۆ بێکەس وەغەرکر

ھەلبەستڤانێ ناڤدارێ کورد شێرکۆ بێکەس ئيرۆ (04.08.2013) ژ بەر نەخوەشيێ ل پايتەختا سوێدێ ستۆکھۆلمێ وەغەرکر.

بێکەس دەمەک درێژ بوو ل سوێدێ دھات دەرمانکرن لێ د داويێ دا ل ھەمبەر نەخوەشيێ تەسليم بوو. شێرکۆ بێکەس رۆژا 2ێ گولانا 1940ان ل باژارێ سلێمانيێيێ باشوورێ کوردستانێ ژ دايک بوويە و کورێ ھەلبەستڤانێ ناڤدار فاييق بێکەسە.

ل بەغدايێ زانينگەھ قەداندييە و کتێبا خوەيا يەکەم ژي ديسا ل ڤي باژاري د سالا 1968 دە چاپ کرييە. د ناڤبەرا سالێن 1965-1987 دە پێشمەرگە بوو و ھەمان دەمێ دە ژي د راديۆيا ب ناڤێ ‘دەنگێ شۆرەشێ دە خەبتي. د سەرێ سالا 1970 دا د ناڤا تەڤگەرا "رووانگە" دا جھ دگرت. ئەڤ تەڤگەر ژ بۆ ھەلبەستا کوردي رێيەک نوو ڤەدکر و ھەلبەستا نووژەن دەردەکڤ ھۆلێ. ب ڤي تەڤگەرێ د ھەر ھێلێدا بێھنا ژييانا کوردي کەت ھەلبەستا کوردي. ب تەڤي چەند نڤيسکار و ھەلبەستڤانێن کورد کۆڤارەک ب ناڤێ “روانيا” دەرخستن.

پشتي تێکچوونا شۆرەشا ئيلۆنا 1974 جارەکە دي ڤەگەريا باژێر. لێ ڤێ جاري ژي حوکمەتا عراقێ، بێکەس ژ بۆ 4 سالان شاند سرگونێ. بێکەس، د سالا 1984ان دە بەشداري سەرھلدانا ل باشوورێ کوردستانێ بوو و 1986ان دە وەک مولتەجي چوو سوێدێ. د سالا 1991ان دە ل باشوورێ کوردستانێ وەک وەکيل دکەڤە پارلەمەنتۆيێ و سال نيڤەکي وەزيريا کولتوري کر.

ھەري داوي ژي ناڤەندا کولتوري و رەوشەنبيريا سەردەم ل سلێمانيێ برێڤە دبر.

ھەيا نھا 20 کتێبێن وي يێن ھەلبەستان ھاتنە چاپکرن. کتێبێن وي ب گەڵەک زمانان -يوناني، ترکي، ئەرەبي، ئينگيليزي، فرەنسي، ئەلماني، سوێدي- ھاتنە وەرگەراندن.

شێرکۆ بێکەس دو خەلات وەرگرتنە کو يەک ژێ ژ ئاليێ پەن کلووبا سوێدێ ڤە ل سالا 1987 ھات دايين ويا دن ژي سالا 2001 ل سلێمانيێ ژ ناڤەندا کولتورييا خاک وەرگرت کو ناڤێ وێ خەلاتێ خەلاتا پيرەمێرد بوو.