Share |

ھەلبەستڤان ئاسیا خەلیل “من ژان، خەم، و خوەنێن خوە د ھەلبەستان دە دیتن”…ھەڤپەیڤین: ھۆزان ئەمین :

ئاسیا خەلیل ل باژارێ دێرکا حەمکۆ ل رۆژاڤایی کوردستانێ، ژ دایک بوویە، ب سالایە ب زمانێ عەرەبی و ڤێ دوماھیکێ ب کوردی ھەلبەستان دنڤیسە .

ئەم ل دھۆکێ لێ راست ھاتن، کو ب سەرەدان یەکەم جار ھاتبوو ھەرێما کوردستانێ، و مە ل سەر کار و خەباتێن وێ ئەڤ ھەڤپەیڤین بۆ رۆژناما ئەڤرۆ چیکر.

- ت وەک ھەلبەستاڤەنەکە کورد ب کورتی خوە چاوا ددە ناسکرن ؟

بەلێ سپاس بۆ وە، ئەز ژ دایکبوویا باژارێ دێرکێ مە، و ھەلبەستان ب زمانێ عەرەبی و کوردی دنڤیسم، من د ژیەکی بچووک دە دەست ب نڤیسینێ کر، من پشتگری ژ مالاباتا خوە و ھن ھەڤالان دیت ئەو ئەز ھاندام کو ئەز بەردەوام بکم، و ئەز کەتم ناڤا خەباتا سیاسی ژی، وێ دەمێ ئەز ژ ھەلبەستێ ھنەکی دوور کەتم، و پشتی دەرچوونا من ژ پەیمەنگەھێ ، ئەز ھاتم گرتن، من د زندانێ ژی ھەلبەست نڤیساندن، حەیا ئەز دەرکەتم، من دیوانا خوەیا یەکێ چاپ کر.

- چ رفتار و ئەگەر بوون تە پالدان ناڤا مەیدانا ھەلبەستێ ؟

ئەز ب خوە نزانم چ رەفتار بوون، لێ بەلێ گەلەک پرتووک ل مالا مە ھەبوون، من ژ بچووکاتیا خوە دە دەست ب خوەندنێ کر، و حەزا من ژ زانستیێ و ناسکرنا تۆرەیا عەرەبی و ئا جیھانی، ئەڤ بوون ھەڤکار بۆ من کو ئەز رەوشەنبیریەک و کەساەیەتياکێ بۆ خوە چیکم و وان خوەن و خەیالێن خوە ڤەھوونم، لۆما من ھەلبەست نڤیساند د به کو ئەوا ھەری نێزیک بوو بۆ گیانێ من .

- بەرھەما تەیا یەکەم " تلیێن خوە بەخشی گوستیلکێن رۆناھیێ دکم" ب زمانێ عەرەبی دەرکەتیە، تو دکارە ژ مەرە بەحسا وێ بکە ؟

بەلێ دیوانا من ل لوبنانێ چاپ و بەلاڤ بوو د داویا سالا ٢٠١٠ دە د دەما شۆرەشێن بوھارا عەرەبی دەستپێکربوون، ھەلبەستێن تێدە بەلاڤ بوونە ڤەدگەرن سالێن بەرێ و ھنەک ژ وانێ کو من د زندانێ دە نڤیساندبوون، من ژانێ خوە ، خەمێن خوە، خوەنێن خوە و دیتنێن خوەیێن گشتی نە یێن کەسایەتی تێدا دەستنیشان کرنە و نڤیساندنە.

- تو چاوا دنرخینە، ما گەلۆ وێژەیا کوردی ب زمانەکی بیانی د خزمەتا رەوشەنبیریا کوردی دەیە !؟؟

بێ گومان نڤیسینا ب زمانێ دایکێ گەلەکی گرینگە و دەم ھاتیە کو مەرە پێ بنڤیسە، لێ دەمێن بەرێ تێ زانین کو زمانێ کوردی قەدەخە بوو و حەتا د زندانێ دە ژی دھات قەدەخە کرن لۆما مە بەرێ خوە دا زمانێ وان دەستھاتداران، لێ ئەڤ نایێ وێ واتەیێ کو مەرە ب زمانەکی دی ژی نەنڤیسە، و ئەم دبینن گەلەک نڤیسکارێن جیھانی نە ب زمانێ خوەیێ دایکێ نڤیساندن، لێ وان شارستانیا خوە و تۆرەیا خوە ب زمانەکی دی ئانینە زمان، ئەز ھێڤیدارم ئەم ل ڤێ مژارێ ب ڤی ئاوایی بنێرن، و چ کەسێ کورد کو ب زامنەکی دی نڤیسی بە، دیرۆک و كولتورا خوە ئانییە زمان و ئەڤ تشت وان خویا دکە .

- خەبات و پیلانێن وەیێن پێشەرۆژێ چنە، گەلۆ ھوون نافکرن بەرھەمەک خوەیا دن ژی چاپ بکن یان ئمکان تونەیە ؟

بەلێ دیوانا من یا ددوان ب زمانێ عەرەبی ھین تەمام نەبوویە، و ئەز خوە ئامادە دکم ب زمانێ کوردی ژی دیوانەکێ چاپبکم دەما ب داوی وەرە.

- تو ژ رۆژاڤایێ کوردستانێ تێ، و ئەم زانن کو ئیرۆ شۆرەشەک ھەیە ل وێ دەڤەرێ، ب کورتی بە ژی رەوش بەر ب کو ڤێ دچە ؟

بەلێ مخابن رۆژ ب رۆژێ رەوش خەرابتر دبە، ئەڤ خوین و شەوتاندن و ژان گھشتە ئاستا ھەو تەحمول دبە، گەلەک ئاجاندا ھەنە و گەلەک دەست د ناڤ دە نە ، و ترسا مەزن ھەیە کو ئەڤ شۆرەش د دەست ئۆلپەرستێن حشک کەڤە، ئەڤ ڤیانا گەلان کو بانگ دکە بۆ ئازادیێ و رومەتا خوە وێ داوی ئەو ب سەرکەڤە، لێ دیسا ژی پشتی ڤێ خەراکرنا مەزن ، ئاڤاکرن و کارەک مەزن لازمە.

- ھوون یەکەم جار تێن ھەرێما کوردستانێ، ھوون چاوا دبینن، ب چ ھەستی تو دکارە دەربرینە؟

وەختا تو ل رویێن خەلکێ ڤێ ھەرێمێ دنەرە توو رازیبوون و ھەستێن ب ئەولەکاریێ و خوەجھبوونێ و باوەشاندنا ژیانێ دکە، ئەڤ کەفخوەشیەکێ ددە مرۆڤ و حەیا روندکان ژ چاڤان دبارینن، ڤی مڵەتی ئازادیا خوە ب دەستینایە ئەڤ مافێ ھەر کەسییە کو بكهێژی يێ پشتی ژانەک درێژ و خسارێن مەزن، ئەڤ جھێ دەستخوەشیێیە و دڤێ ھەر کەس ڤان دەستکەفتیا بەرەڤانیێ لێ بکە.

 

روزناما ئه فرو

-------------------