وەڵامی بۆچوون بدەوە

هونەرمەند خاتوو ئالین، سترانبێژا دەنگ خوشئێكە ل سترانبێژێت سەركەفتی كو ب دەمەكێ كێم هونەرەكا سەركەفتی ئاراستەی خەلكی خوكر و ب گروتینەكا زور سترانا خو پێشكەشی كوردستانیان كر .

ناڤبری هەر ل زاروكینیێحەز ل ستران گوتنێ كریە و ئێكەم بەرهەمێ خو ل سالا 2006 پیشكەش كریە هەڤرێ دگەلهونەرمەند (خەیرو عەباس) . خاتوو ئالین هونەرا كوردی ب شورەشەك ژبوی مللەتێ كورد ددەتەناسین . ناڤبری تازە ئاكنجیا وولاتی ئەلمانیایە و ژیانا خو ل دەرڤەی وولاتیدبەتە سەر . پشتی كو خاتوو ئالین بو سەرسالا 2011 سەردانا كوردستانێ كر و چەندینكونسێرت بڤێ مەرەمێ ل باژێرێ و باژێروكێت كوردستانێ پێشكەشی خەلكێ خو كرن وهەروەتوڤ ئامادەكاری بو چەندین كلیپان ژی كر . پشتی ب دوماهی هاتنا كونسێرت و كارێكلیپان خاتوو ئالینێ سەردانا دەزگەهێ هەرمان كر و مە بفەرزانی كو هەڤدیتنەكێ دگەلسازبدەین كو ئەڤا خارێ درێژییا هەڤدیتنێیە:

-  ل دەستپێكێ خاتووئالین بخێرهاتنا تە دكەین، ئەگەر بو خوینەرێت مالپەرێ هەرمان خو بدەیەناسین؟

خاتوو ئالین: گەلەك سوپاسیا وە دكەم هەروەتوڤ من سلاڤ هەنە بو هەمی خوینەرێت مالپەرێهەرمان، ئەز ل باژێرێ زاخو ل باشورێ بچوك لدایك بومە و هەر ل زاروكاتیا خو من حەز لستران و هونەرێ كوردی كرییە و لێ دەمێ من قەناغا ئامادەیی یا خویندنێ بدوماهی ئینایئەز چومە ولاتی روسیایێ و من زانكو لڤی ولاتی ب دوماهی ئینا پشتی حەفت سالان، پاشیئەز چو مە ولاتێ ئەلمانیا و ل وێرێش من بەردەوامی دایە خویندنا خو و هەروەتوڤهونەرا ستران گوتنێ ئێك ژ لایەنێت سەرەكیێت ژیانا من بویە و ئێكەم بەرهەمێ خو من لسالا 2006 هەڤرێ دگەل هونەرمەند (خیرو عەباس) وەشاند و لبەرژەند ئەگەرەكان ل سالێت2008-2009 ئەز دووركەتم ل هونەرێ ستران گوتنێ و پاشرا ئەز زڤریمەڤ ناڤ هونەرا سترانگوتنێ و هەتا تازەش بەردەوامم.

-  خاتوو ئالینبوچونەكا هەی دبێژیت كارەكێ بچویكێ بهێز دشێت بەرهەمەكێ مەزن لێبكەڤیت، ب هزرا تەئەڤ بوچونە یا درستە ؟

خاتوو ئالین: بێی شك بوچونەكا درستە، بو نمونە من دڤێت كو ئەز بەحسێ هندەك هونەرمەندانبكەم كو هەر سال یان زوی ب زوی كلیپان یان ئەلبومان دئیننە خار ل چ تامەك تێدانیەچونكە كارەكێ زور لسەر ناهێتە كرن یانكو كاریگەریەكا باش ل ناڤ تاكێت چڤاكی ناكەت وناچیتە د كویراتیا دەرونێ واندا، بەروڤاژیش هونەرمەند هەیە بەرهەمەكێ كێم دەردئێخیتلێ گەلەك كاری لسەر دكەت و تشتەكێ بهێز دەردكەت و ئەو بەرهەمێ كێم كو یێ بهێزە لناڤكومەلگەهێ جهەكێ تایبەت و بەرفرە پەیدادكەت، لبەر ڤێ چەندێ ب هزرا من یا گرنگ ئەونیە كو هونەرمەند زوی ب زوی بەرهەمادەربكەت لێ یا گرنگ ئەوە بلا بەرهەمیكێ بهێزبیت هەتا ئەگەر یێ كێمیش بیت.

-  تە چ پێناسەیەكهەیە بو هونەراكوردییان هونەر ل نك تە چیە ؟

خاتوو ئالین:هونەر شورەشەكە ژبۆی میللەتێ كورد،هونەری چاند و مێژوویا وێ پاراستینە، هونەر ئێكەژ ستوینێت گرنگێت كومەلگەهێ و كوگایا دەربرینا فەرهەنگا هەر مللەتەكێیە.

-  هەلومەرجێ موزیكاكوردی چاوا دهەلسەنگینی ؟

خاتوو ئالین: براستی ژبۆی ڤێ پرسێ ئەز تشتێ باش دبینم و تشتیَ خرابیش، بو نمونە ئەز دبینمهژمارەكا زۆر ل گەنجێ مە هەنە كو موزیك ژەنن و سترانبێژن كو ئەڤە جهێ خوشحالیا منەلێ تشتێ خرابیش ئەوە كو تەقلید هەیە كو براستی ئەڤە تشتەكێ زۆرێ نەخۆشە كو تەقلیداخەلكێ بیانی بكەتەڤە.

-  ئەگەر تۆ وەزیرارۆشنبیریا حكومەتا هەرێما كوردستانێ بایە دا چ كارەكێكەی بۆ هونەرا سترانا كوردی؟

خاتوو ئالین: راستی من بەرنامەكێ تێروتەسەل بو هونەروهونەرمەندا دانابا، گەلەك تشت مننەهێلابان وەكی تەقلید و كۆپیكرنا سیدیا هەروەتوڤ منێ پەیوەندیا ناڤبەرا هونەرمەنداخوشكربا و بەهایا وان زێدەتر كربا داكو وانیش بەرهەم و كارێت باش و جوانتر پێشكەشیهەڤوەلاتیان كربا.

-  فاكتەرێت دەنگیهەتا چەند كاریگەری هەیە بو سەركەفتنا سترانبێژەكێ ؟

خاتوو ئالین: بێ شك دەنگ فاكتەرەكێ سەرەكیە، لێ تڤیا دەنگیش كار لسەر بهێتە كرن چونكی بوچێكرنا دەنگیش گەلەك كار هەنە تڤیا هونەرمەند خو ماندی بكەت و كارلسەر بكەت.

-  موسیقا و مێلودی وئاواز ...؟

خاتوو ئالین:هەمی گرێدایینە بهەڤرە هەر ئێگ ژوان گرنگیا خو هەیە و كارێ تایبەت تڤیا بو بهێتەكرن هەروەتوڤ پێدڤیە بو هەرئێك لڤان لایەنان دەمەكێ تایبەت و بەرنامێ تایبەت بوبهێتە ئەنجامدان چونكی ل هەرلایەنەكێ دەمێ بێهێزی تێدا هەبە ئەڤە دێ كاریگەریێ كەتەسەر تەڤایا بەرهەمی لەوما پێدڤیە گرنگیا تەڤاڤ ب هەر لایەنەكێ بهێتەدان.

-  خانوو ئالین ئەگەربەحس ل كارێ خو یێ ڤێ داویێ ل كوردستانێ بكەی؟

خاتوو ئالین: پشتی كو ئەز و هونەرمەند كاوە هاتینە داخازكرن ژلایێ كۆمپانیاTiko تیكۆ بوگێرانا چەند كونسێرتەكان ل هەرێما كوردستانێ، ل چەند باچێر و باچێركێت كوردستانێوەكی (هەڤلێر، دهوك، زاخو و ئاكرێ) مە كونسێرت گێران كو بسەركەفتی هەروەتوڤ مە كارێچەند چەند كلیپان كریە كو ئێك ژ وان مامۆستایێ دەرهێنەر حسین حسن كارێ دەرئینانا وێكرییە و سترانا وێ كلیپێش مە بزمانێ ئەرمەنی گوتیە كو كارێ وێ بدوماهی هاتیە. هەروەتوڤ كۆمپانیاTiko كارێ دوو كلیپان بو مە ئەنجامدایە كو سترانا ئێك ژوانكلیپان من و هونەرمەند كاوەی بهەڤرا گوتیە بناڤێ (بیریا تە) یە و سترانا كلیپا دوێشبناڤێ (ئەز ڤەگەریام)ە.

-  ئایا كارێ ڤانكلیپان بدوماهی هاتیە ؟ ئەگەر بدوماهی هاتیە دەمێ وەشانا وان لسەر شاشێتTV دێكەنگی بیت؟

خاتوو ئالین: بەلێ كارێ ڤان كلیپان بدوماهی هاتیە كو مە گەلەك ماندی بوین ژێرا كێشایە وكو هیڤیا من ئەوە مە شیابیت كارەكێ باش و ب دلێ خەلكێ خو ئەنجامدابیت، ئەز دوێباوەرێدامە هەتا 10 روژێت دی ئەڤ كلیپە لسەر شاشێتTVبهێنە وەشاندن.

-  ل دەمێ گێراناكونسێرتان ل باژێرێت كوردستانێ، ئامادەكاری و تەكنیك چەوا بوی ؟

خاتوو ئالین:گەلەك باش بو راستی برادەران گەلەك ماندی بون ژێرا كێشا ئەگەر چ ل روویێ تەكنیكێڤەهندەك كێماسی هەبوون لێ بگشتی كارەكێ باش بو.

-  خەلكی چەواپێشوازیا ڤان كونسێرتا كرن ؟

خاتوو ئالین: تشتەك ئەشكەرایە خەلكێ مە گەلەك هونەردوستە بتایبەت هونەرا سترانێ لەوما زورب باشی پێشوازی كرن خەلكەكێ باش ئامادەی كونسێرتان بون تایبەتی خەلكێ زاخو و ئاكرێ.

-  خاتوو ئالین، ئەڤپەیڤێت خارێ لدەڤ تە چ دگەینن:

• سترانا كوردی ؟

*   ژبوی من ژیانە.

• جگەرخوین ؟

*  ژبۆی من قەلەما شورشێ یە.

• محمد شێخو ؟

*  بلبلێ هونەرا كوردیە.

• دەڤەرا بارزان ؟

*   كو ئەز دهێمە بارزان ئەز دخواز بفڕم، هەستافرینێ من هەیە، بارزان رووی ب ئاسمانە.

دوماهین ئاخفتنا تە.

خاتوو ئالین: هیڤیا من ئەوە كوردستان هەر ئاڤەدان بیت هونەرا كوردی هەر بەرەڤ پێشڤەچونێبچیت، هەتا ئەز بیشێم دێ خزمەتا هونەرا سترانا كوردی كەم . گەلەك سەپاسا دەزگەهێهەرمان دكەم هەروەتوڤ گەلەك سوپاسیا كومپانیاTiko دكەم.

  هه‌رمان