وەڵامی بۆچوون بدەوە

كۆنفرانسێ زمانێ نه‌ته‌وه‌یی ب پشكداریا 300 زمانزان، په‌روه‌رده‌كار، سیاسه‌تمه‌دار و نوونه‌رێن سازیێن سڤیل یێن كوردستانێ و جیهانێ كو 30 ژ وان یێن هه‌رێما كوردستانێ بوون، ل رۆژێن 2-4 ئازار/ مارس 2012 ل ئامه‌دێ هاته‌ گێران.

د كۆنفرانسێ دا، گۆتار ل دۆر سیاسه‌تا زمانی، ئه‌لفا بێ و زارڤێن كوردی، مۆدێلێن په‌روه‌رده‌یی یان ئه‌زموونێن په‌روه‌رده‌یی و سازی و ئه‌كادیمیێن كوردی هاتنه‌ پێشكیشكرن گه‌نگه‌شه‌كرن.

ل دووماهیێ كۆنفرانسێ گه‌هشتنه‌ ڤان ئه‌نجامان: 1.هه‌بوونا زاراڤێن كوردی زه‌نگینیه‌، پاراستن و گه‌شه‌پێدانا وان ژی پیڤه‌ره‌كێ نه‌ته‌وه‌ییه‌.

2.د ڤان رۆژێن بهێن دا كو كۆنفرانسا نه‌ته‌وه‌یی یا كوردی د رۆژه‌ڤێ دایه‌، دڤێت كورد ژی خوه‌دی به‌رنامه‌ و سیاسه‌ته‌كا نه‌ته‌وه‌یی یا زمانی به‌.

3.ئه‌ڤ كۆنفراس ستاندارتیا ناڤخۆه‌یی یا هه‌ر زمانی پێویستی دبینه‌، لێ به‌لێ د ده‌ما به‌رهه‌ڤكرنا زارگۆتنێ دا دڤێت كو هه‌ر تشت ل گۆڕی ده‌ڤۆكا خۆه‌ بێ تۆماركرن.

4.ژ بۆ ژ هه‌ڤ تێگه‌هشتنا كوردان و پێكهاتنا هشمه‌ندیه‌كا نه‌ته‌وه‌یی هه‌وجه‌داری ب یه‌ك ئه‌لفا بێ هه‌یه‌. هه‌تا گه‌هشتنا ڤێ قۆناغێ، ژ به‌ر گونجانبوونا ره‌وشا ل باشور، د ڤێ كو هه‌ردو ئه‌لفا بێ ژی ل ور د په‌روه‌رده‌ و هه‌ر واری دا بێن بكارئانین.

5.ئه‌ڤ كۆنفرانس په‌روه‌رده‌هیا ب زمانێ كوردی مفاكی سروشتی یێ نه‌ته‌وه‌یی دبینه‌ و له‌ورا ژی پێشدبستانێ هه‌تا زانینگه‌هێ په‌روه‌رده‌هیا ب كوردی داخواز دكه‌. ئه‌ڤ یه‌ك ژی بۆ ستاتویایه‌كا سیاسی ڤه‌ پێكئانه‌.

6.كۆنفرانسا مه‌ ژ بۆ ئاڤاكرنا جڤاكه‌كا ده‌مۆكراتیك و پلوره‌ئالیست په‌رگاله‌كه‌ په‌روه‌رده‌یێ یا كو به‌خته‌وه‌ری و پێشڤه‌برنا مرۆڤان ئه‌ساس دبینه‌، پێشنیاز دكه‌.

7.ژ بۆ پێكئانینا به‌رنامه‌یه‌كا زمانی یا نه‌ته‌وه‌یی پێدڤی ب ئاڤاكرنا ته‌ڤگه‌ره‌كا زمانی یا كوردستانی هه‌یه‌، دا كو بكاریبه‌ كار و پێویستیێن زمانێ كوردی بجه بینه‌. ژ بۆ ئاڤاكرنا ته‌ڤگه‌رێ ده‌سته‌یه‌كا كو ژ 31 كه‌سان پێك تێ، هاته‌ هه‌لبژارتن.

8.كۆنفرانسا مه‌ بانگ ل كوردان دكه‌ كو د هه‌ر قادا ژیانێ دا زمانێ كوردی بكاربینن و پێ بژین.

9.كۆنفرانس ل خه‌بات و تێكوشینا گه‌لێ مه‌ یێ باشورێ رۆژئاڤا یا دوارێ زمان و په‌روه‌رده‌یێ دا سلاڤ دكه‌ و پشتگیریا خوه‌ دیار دكه‌.

10.ئه‌م پشتگیریا خوه‌ ژ بۆ داخوازا گرتیێن كورد ئێن سیاسی یا د وارێ پاراستنا زمانێ كوردی دا رادگه‌هێنین.

11.ئه‌م پۆلیتیكایا(AKP)ێ هه‌لوه‌ستا رایه‌دارێن وێ یا ده‌ر بارێ زمان و چاندا كوردی دا شه‌رمه‌زار دكین و ئه‌م ڤێ سیاسه‌تێ ژی به‌رده‌وامیا سیاسه‌تا ئاسیملاسیۆن و ئینكارێ دبینن. ب هه‌مان شێوه‌ی ئه‌م سیاسه‌تا رژیمێن دن ئێن ل سه‌ر كوردان ژی ب تو ئاوای نا په‌ژرینین.

12.كۆنفرانسا مه‌ ئوپه‌راسیۆنێن له‌شكه‌ری و سیاسی یێن ل سه‌ر كوردان تێن مه‌شاندن شه‌رمه‌زار دكه‌، ژ بۆ چاره‌سه‌ریێ دیالۆگ و مۆزاكه‌ریێ پێشنیار دكه‌.

13.ژ بۆ پێشڤه‌برنا زمانێ كوردی زارۆك پڕ گرنگن. له‌ورا ژی د پۆلیتاكا و به‌رنامه‌یا زمان، ئا نه‌ته‌وه‌یی دا دڤێ زارۆك جهه‌كی تایبه‌ت بگرن.

دهۆك 6 ئازار/ مارس(PNA)- ئازاد مزووری/ پ. ف