Share |

nûçe in "Huner"

Mamosta Hadî Ziyaedînî li nûtirîn berhema xwe ya hunerî de, peykerek bo yada keçên şervanên YPJ yên bajarê Kobanê dirust kiriye.   Ev peykere pêkhatiye li şêrek û keça şervaneka YPJ, ev peyker li bajarê Sine li avahiya Xesrew Awa hatiye saz kirinê û dibe ku piştî temambûna şerê Kobanê biguhêzin bo Kobanê û li qadeke bajarê Kobanê bê danînê.  

Di salên 1915-1925an de, buhiştî Husên Hiznî Mukiryanî çapxaneyek ji Almaniya anî Helebê û pê çend kovar û rojname weşandin.. Ta ku di sala 1925an de ji Helebê barkir û çû Rewandizê..

Derhênerê navdar ê Kurd û cîhanê Behmen Qubadî îro li ser lapera xwe a taybet li tora civakî Facebookê straneke xwe ku ji bo Kobanê gotiye belav kiriye.   Behmen Qubadî ji Xendanê re ragihand: Stran û mûzîka wê bi xwe amade kiriye û bi xwe jî stranê dibêje.  

  Hunermendê navdarê Kurdistanî Ciwan Haco kilîpek nû li ser karesata Şingalê ya piştî êrişên çekdarên DAIŞê çêkir, ku bi hezaran kes di encama êrişên hovane yên DIAŞê de û herwiha ji tîna û birsa li çiyayê Şingalê jiyana xwe ji dest dan û bi sedan hezar kes jî koçper bûn.

Koma Îranî ya muzîkê a navdar Rastak, muzîkvan a Kurdên Xorasanê Yelda Abbasî û koma xwe û Koroya Dengê Mezopotamya a girêdayî ‘Navenda Çand û Hûner a Dicle-Firat’ a Diyarbekir doh evarî li parka koşuyolu ya Diyarbekirê derketin ser dikê û stranên xweyî bi bi zaravayê Kurmancî û Soranî yên Kurdî, bi Azerî û Farsi û Tirkî gotin.

Li qesra mala Cemîl Paşa li Diyarbekir-Amed şanoya Mem û zîn çend êvareya hate nîşandan, bi beşdariya qelebalixek mezin ji temaşevanan şanoyê,

Hunermendê Kurd Beytocan, piştî 23 salên koçberîya Ewropayê roja Çarşemê vegerîya welat ku ji Stenbolê derbasî Amedê dibe.  Beytocan, bi stranên xwe yên navûdengî li nav Kurdan tê naskirin ku stranên wî ji aliyê gelek stranbêjan ve hatine strandin ku yek ji wan hunermendan jî Îbrahîm Tatlises e.

Roja pêncşeme 22/5/2014`an danê sibehê hunermendê mezin ê Kurd Ebasî Kemendî li bajarê Sine di temena 62 salî de bi nexweşî koça dawî kir. Kemendî di zarokatiya xwe de bi wêjeya kurdî ve mijûl bû, di temenê 16 salî de jî dest bi nivîsîna helbest û çîrok û di ware hunerî û stranbêjiyê de jî yek ji hunermenden serkeftî di strana kurdî de tê hejmartinê.

Koma Muzîkê ya Kamkaran û hunermend Behcet Yehya ji bo piştgiriya nexweşên kanserê li bajarê Hewlêrê konserek dan. Di konserê de ku solîstiya wê Behcet Yehya dikir, ev stran hatin gotin: 'Şîna Çi, Eşqa Îlahî, Hawara Wicdanê, Rêya Evîndaran, Dilê Spîde.'

Stranbêja navdarê Bakûrê Kurdistanê hunermend Nazdar dawî bi wênegirtina nûtirîn vîdeo klîpa xwe anî û piştî dû hefteyên din li ser televizyonan wê bê pêşandan. Stranbêja navdarê Bakûrê Kurdistanê hunermend Nazdar dawî bi wênegirtina nûtirîn vîdeo klîpa xwe anî û piştî dû hefteyên din li ser televizyonan wê bê pêşandan.

 Pelrecords, bernameya xwe ya ji nû ve çapkirina hemû albumên du hunermendên hosteyên muzîka kurdî, Şivan Perwer û Ciwan Haco temam dike!

  Hunermendê Kurd Zubêr Salih bi sponsoriya Tora Medyayî ya Rûdawê albumeke nû bi navê Meynenoşê derxist. Albuma ku ji 8 stranan pêk tê û li Stenbolê hatiye çapkirin, ji helbestên helbestvanê Kurd Melayê Cizîrî û awazên hunermend bi xwe ne.

Hunermendê navdar yê ji rojavayê Kurdistanê Xêro Ebas Albûma xwe ya bi navê “Tu“ pêşkêşî hezkiryê xwe kir, ev Albûm vê dûmahîkê ji alîyê şirketa Sony Musicê hatiyê amadekirin û belavkirin ji 11 stranan pêk tê, yek ji van stranan bi zaraveya Soranî, yek jê Zazakî û neh stran jî bi zaraveya Kurmancî ne.

Ji bo hemû sazî, dezgeh, medya û raya giştî yên kurdî!   Ez bi dilxweşî û bi silavên germ we agahdardikim, ku min weqfa xwe ya Ciwan Haco, ya ku bingeha wê li Swêd e û şaxekî wê li Istanbol ye sazkiriye.

Roja (10.04.2014), bi helkeftina derbasbûna 10 salan di ser şehîdbûna Ferhad Mihemed Elî re, wê mûzexaneya ku navê wî hildigire bête vekirin.

 Di encama teqîneke di nava dikanekê kasêtfiroş de, li taxa Til Hecer a Hesekê , Endamê Saziya Çand û Hunerê û hunermend Ebdilsemed Oso jiyana xwe jidest da.

 Li Herêma Kurdistanê bi herdu zaraveyên kurdî (soranî û kurmancî ), televîzyoneke taybet bi zarokan ya bi navê Kurdmax Pepûle hate vekirin ku biryar e heta dawiya vê mehê li ser satalayta Turksatê jî dest bi pexşa xwe bike.

    Dengê ciwan ê muzîka kurdî Leyla Xan bi albuma xwe ya yekem, “Stranên Dilê Min” derdikeve pêşberî muzîkhezan! Leyla Xan ya ku heta niha rêwîtîya xwe ya muzîkê bi şêweyeke amatorî dimeşand, bi albuma xwe ya yekem “Stranên Dilê Min” derdikeve pêşberî muzîkhezan.

Li ser daxwaziya şaredariya Bajarê Mezin li Amedê, Koma şoreşvan ya hunerî hate vexwendin bo nemayişkirina şanoya EZOP li Amedê, di roja 24-25-çile de ev şano hate nemayişkirin, bi beşdareyk mezin ji xelkê Amedê.

Li Amedê 2yemîn Pêşangeha Bakur-Kuzey-North ji aliyê berbijêra şaredariya Bajarê Mezin a Amedê Gultan Kişanak hate vekirin. Ev pêşengeha diweme cara bi vî şêweyê beşdariya gelek hunermendan tê lidarxistin li Galeriya Hunerê ya Amedê li Sumer park.

Şanoya Şaredariya Bajarê Mezin a Amedê, şanoya Xwezgînî pêşkêş dike, vekirna şanoyê roja înê  27 Kanûna Pêşî li ser textê salona şaredariyê mezin pêşkêş kir.

Piştî sê salan bêdengiya hunermenda deng xweş a Kurd, Aynûr Dogan albûmeke nû pêkşêşî hezkiriyên hunera Kurdî dike.

Hunermendê navdar ê Kurd Ahmet Kaya hêjayî xelata 2013an a Serokkomariya Tirkiyê  ya çand û hunerê di beşa muzîkê de hate dîtin.  Xelata mezin ya çand û hunerê salane ji aliyê serokkomariya Tirkiyeyê ve pêşkeşî hunermendekî/e hêjayî vê xelatê tê kirin.

Li Herêma Kurdistanaê, televîzoyneke taybet bo bernameyên zarokan ji aliyê hikûmetê ve hat vekirin. Televîzyon bi navê Zaro TV ye û îro dest bi weşanê kir. Televîzyon dê bi kurmancî, soranî û zazakî bernameyên xwe biweşîne. Televîzyoneke taybet bo bernameyên zarokan ji aliyê Hikûmeta Herêma Kurdistanê ve hat avakirin.