Bilind mihemed..bê deng kar dikir û bê deng oxir kir..! îsma'îl badî

Li sala 1994ê dema me li bajêrê Duhokê heftînameya (peyman) derêxistî, wî demî li qeza sêmêlê me kak Bilind weku peyaminêr helbijart ku karî ji bo heftînameyê biket, weku rojinamevanek xwe pêgehandî û çeleng kefte karî, ku berî hîngê çu taqîkirinên rojinamevanî nebûn, ji bilî derêxistina Kovara (tîroj) li bajêrkê sêmêlê li gel nivîserên li wêrê akincî.. bilind bi ruh û giyanekê tjî hest û berprsiyarane kefte karî, paşî hate bajêrê duhokê û bu yek ji nivîserên heftînamê û me hemiyan rêzeka taybet lê digrt, ji ber ku zêdebarî hozanvan û nivîserekê zîrek bûye, yek bûye ji zîndanîyên siyasî û berî bigehte jîyê qanûnî ku her yasayeka rjêma bea's li ser biçespînin, belê bo maweyê 10 ـ salan kefte ber eşkence û nexoşî û zîndanê.

bilind weku rojinamevan, li gel qelemê xwe, gelekê rastgo bû, li gel karê xwe, yê rijd û pir bawer û xemxur bû.. carekê min nedît ku xemsariyê di wî karî da biket yê pê hatîye raspardin.

bi zîrekî û xoşmirovî û camêrîya xwe, şîya bibîte endamê desteka nivîseran û paşî bû sikrtêrê wê, paşî li rojinameya (war) endamê desteka nivîseran bû. herwesa endamê desteka nivîserên rojinama (bişkuj) bû ya rêveberya çalakîyên dibistana ku ew li wêrê mamoste bûye. Bilindê rojnamevan bi şev û roj yê bi bizav û livîn bû sehmeratî bicîh anîna wê erkê pê hatîye raspardin, dîsan bo de‌mekê li Kovara Dîcle kar dikir ku bi pîtên latînî dihate weşandin, li du wê jî govara (Nûbûn) her bi pîtên latînî derket û Bilindê nedzanî westîyan çîye, weku serinvîserê wê kete kar.

dîsan weku rojina‌mevan, li gel çend dezgehên dîtir kar kirîye, weku peyaminêr taybet ewên li hewlêrê derdketin. Ji bilî li radiyo û têlefziyonên li duhokê weku têlefziyona (xebat) duhoka nuke wî pişkdarî têda hebû.

bilind weku êk ji endamên êketiya nivîserên kurd li duhokê, li kovara wê (peyiv) jî kar kirîye weku endamê desteka nvîseran. herwesa demê kenalê têlefziyona perwerdeyî ya duhokê hatîye vekirin, ew êkemîn rêveberê wê bûye.

bilind li sala 1968ê ji dayik bûye, salên 1990an şîya xwandina xwe li peymangeha melbendî ya mamostayan li duhokê bi dûmahî bînît. endamê çend sendîka û êketîyan bûye.

di warên hozanê, romanê, çîrokê, bîrewerîyan, gotarên rojinamevanî, biwarê zarokan, dîzayina pertûkan da kar kirîye û di hemîyan da berhem hebûne.

bilind weku êk ji zîndanîyên siyasî, hatîye niyasîn û gelek dijwarî yên jiyanê dîtîne, rojinameya (evro) berî heftîyekê dîdareka (7) xelekeyî da hatîye belavkirin.

mxabin şeva dî 14/13 tîrmehê nîzîkî demjmêr sêyi şevê saxlemiya wî têk diçît û giyanê xwe ji destdide, cihê wî beheşit bît û xudê sebir û hedarê bidete kes û karan û hemî hevalan.

ji berhemên wî yên çapkrî:

- Mela qasmê koçer, du caran çapbûye.

- şev û yadgar, hozan bi latînî.

- cugrafiya guzarî, wergêran bo xwandina fermî, peymangeha guzar û otêlgêrî.

- sotingehـ, roman. hatîye wergêran bo zimanê 'erebî bi navê (almhrqe) ji layê samî alhac ve.

- remezan 'îsa û helçûnên bihareka behî, komeka hozanên şa'rîne.

- gehnom- varrêbûn ji bihayan, roman.

- bêhodeya canî, hozan,

- baxçê awazan, hozan bo zarokan.

- gugmêla- çepa kenîzekên paytonan, roman.

- tişitên nemir, hozan,

- sema xwekuşitinê, hozan.

- 'eşq li jêr praçînodê, hozan.

- ji bîrdanika zîndanê (bîrewerî), 2024.

- taya êvarên ji bîr kirî, roman. 2025.

çend berhem jî berhev kirbûn bo çapkirinê..

-------

rojinama (evro), hjmar 3785 roja çarşem 2025/7/16