Share |

هەوال

  ب خەم وکوڤان ڤە ئيرو 15/7/2014 نوجەيا وەغەرکرنا ئەندامێ ئێکەتيا مە ، ھەلبەستڤانێ پێشمەرگە –رەمەزان عيسا – ژ سويد گەھشتە مە . بناڤێ ئێکەتيا نڤيسەرێن کورد – لقي دھۆک ، ئەم سەرەخوەشيێ ل خوە و مالبات وکەس وکارێن خودێ ژێ رازي و تەڤايا نڤيسەرێن کورد دکەين. ھەلبەستڤان رەمەزان عيسا ژ سالێن حەفتێيان دەست ب نڤيسينا ھەلبەستێ کربوو ورولەکێ باش د خزمەتا ئەدەب وزمانێ کوردي دا ھەبوو. رەحمەتي وەک پێشمەرگە گەھشبوو رێزێن شورەشێ . پشتي سەرھلدانا 1991 ڤەگەريا دھۆکێ.

ل قەسرا مالا جەمیل پاشا ل دیاربەکر-ئامەد شانۆیا مەم و زین چەند ئێڤارەیا ھاتە نیشاندان، ب بەشداریا قەلەبالخەک مەزن ژ تەماشەڤانان، شانۆیێ کو نە ب ئاوایێ سەحنێ و ل سەر دکێ ھاتە لیستن لێ بەلێ ب ئاوایێ فیلم ل گەلەک جیھ و دەڤەرێن قوناخێ ھاتە لیستن کو ئەو جھ گەلەک نێزیکی بورجا بەلەک ب بەرێ خوەیی سپی و رەش کو قەسرا میر زەیندین بوو و چیرۆک و گەلەک بویەرێن دەستانا مەم و زینێ و ئەڤینا وان ل ور روو دابوو.

    پشتی نه‌خۆشیه‌كا گران و پتری دوو سالێن وه‌رگرتنا چاره‌سه‌ریێ، د رێوره‌سمه‌كێ هێژا دا ته‌رمێ میدیاكارێ كورد كامیران ره‌شید به‌رواری ل گۆرستانا شاخكێ هاته‌ ڤه‌شارتن.

نەوەیەکی رۆشنبیری ناسراوی کورد جەمال عیرفان وەک باشترین راگەیاندنکار لە وڵاتی میسر خەڵات دەکرێ.

ھەلبەستڤان مؤیەد تەیب ل پێشەنگەھا پرتووکان ل ئامەدێ، سمینارەک پێشکێش کر و بەحسا وێژەیا دەڤەرا بەھدینان ب گشتی و ھەلبەستێن خوە ب تایبەتی، ئەڤ چالاکی ژ ئالیێ وەشانخانا ئاڤەستا ڤە ھات ل دارخستن ب ھەلکەفتنا چاپکرنا بەرھەمەکە مویەد تەیب ب ناڤێ “ نە با من سوار دکە، و نە ئاخ من پەیا دکە” سمینار ب خوندنا هه لبست و ئمزەکرنا بەرھەما خوە ب داوی ھات.

ل رۆژا 1حزێرانێ دە رەوشەنبیرێن رۆژاڤایێ کوردستانێ کو ل تورکیێ و باکورێ کوردستانێ نەشتەچیھن، وێ ل ئامەدێ د کۆنفرانسا شێخ مەعشووقێ خەزنەوی دە بێن با ھەڤ.

تەڤگەرا زمان و پەروەرداھیا ب کوردی TZP-Kurdîب ھەفکاری د گەل باژێرڤانیا گەڤەرێ کۆنفرانسا یەکیتیا نەتەوی ل دارخستن، د رۆژا شەمبێ 10گولانێ تا 11گولانێ وێ بەردەوام بکە، و تێدە وێ 16سمینار ھاتن پێشکێش کرن ل سەر بابەتێن زمان و وێژە و سیاسەت.

    ب هه‌لكه‌فتا بورینا 90 سالان ب سه‌ر ل دایكوبنا هه‌لبه‌ستڤانێ كورد مه‌لا نوری هه‌ساری (1934-2011)، خه‌لاته‌ك ب ناڤی وی دێ بهێته‌ راگه‌هاندن. ئه‌ڤ خه‌لاته‌ ژ ئالیێ بنگه‌هێ نڤیسه‌ر و رۆژنامه‌ڤانێن كرد ل سوریا، ب ناڤێ خه‌لاتا "سه‌یدایێ مه‌لا نوری هه‌ساری بو داهێنانێ" دێ بهێته‌ راگه‌هاندن.

  ب مه‌ره‌ما درێژكرنا ده‌ستێ هاريكاريێ بۆ مشه‌ختێن كوردێن رۆژئاڤايێ كوردستانێ ئه‌وێن نهۆ ل كه‌مپێن هه‌رێما كوردستانێ دژين، هونه‌مه‌ند شڤان په‌روه‌ر كونسێرته‌كا هونه‌ري گێرا.

  ھونەرمەندێ ناڤداریێ ژ رۆژاڤایێ کوردستانێ خێرۆ عەباس ئالبووما خوەیا ب ناڤێ “تو“ پێشکێشی ھەزکریێ خوە کر، ئەڤ ئالبووم ڤێ دووماھیکێ ژ ئالییێ شرکەتا سۆنی موزيك  ھاتیێ ئامادەکرن و بەلاڤکرن ژ 11 سترانان پێک تێ، یەک ژ ڤان سترانان ب زاراڤەیا سۆرانی، یەک ژێ زازاکی و نەھ ستران ژی ب زاراڤەیا کورمانجی نە.

هونه‌رمه‌ندێ سترانبێژێ رۆژئاڤایا كورستانێ عادل حزنی، ل باژێرێ هه‌ولێر وه‌غرا داویێ كر. كه‌سه‌كێ ژ مالباتا حزنی ب ئاژانس و رادیویا په‌یامنێر راگه‌هاند، ل 24 ڤێ مه‌هێ هۆنه‌رمه‌ند عادل حزنی ل ژیێ 59 سالیێ دا وه‌غرا داویێ كر. دیاركرژی، حزنی ب سه‌ده‌ما نه‌خوشیا دلی ل ئێك ل نه‌خۆشخانه‌یێن هه‌ولێرا پایته‌ختا هه‌رێما كوردستانێ جانێ خو ژ ده‌ست دا.

فلمێ دەرھنێرێ کورد مانۆ خەليل خەلاتا یەکەم يا فەستیڤالا سیناما يا ناڤنەتەوی  Bozen2014 وەرگرت.   فلمێ مانۆ خەلیل ب ناڤێ „مێشەڤان“ ب ئەلمانی „Der Imker“ لایقی خەلاتا یەکەم ھات دیتن، د رۆژا داویێ 13-4-2014 یا فەستیڤالا ناڤنەتەوی ل ئيتاليا Bozenفلم فەستڤال کو ژ رۆژا 9 نيسانێ ھەتا 13 نيسانا 2014 ل دار کەتبوو.  

بە سپۆنسەریی تۆڕی میدیایی رووداو، هونەرمەندێکی رۆژئاوای کوردستان ئەلبوومێکی گۆرانی بڵاودەکاتەوە. زوبێر ساڵح، هونەرمەندی گۆرانیبێژی خەڵکی رۆژئاوای کوردستان، لە دووتوێی ئەلبوومێکدا بە ناوی "مەی نەنۆشە"، 8 هۆنراوەی مەلای جزیری کردووەتە گۆرانی و لە شاری ئیستەنبوڵ چاپی کردووە. زوبێر ساڵح تاوەکو ئیستا چەند هۆنراوەیەکی مەلای جزیری، شاعیری کلاسیکی کوردی کردووەتە گۆرانی، بەڵام ئەوە یەکەم ئەلبوومیەتی، کە هۆنراوەی هەموو گۆرانییەکانی، هی مەلای جزیرین.

روزاشەممە 12/4 هونەرمەندی نێوداری سووری عەبدولڕەحمان ئال رەشی كۆچی دواییكرد. ئەو هونەرمەندە، كە تەمەنی 83 ساڵ بوو، لە نەخۆشخانەی هیشام سنان لە دیمەشق كۆچی دواییكرد، لە ئەنجامی تووشبوونی بە دۆخێكی دەروونی سەخت. عەبدولڕەحمان ئال رەشی بە یەكێك لە ستوونەكانی درامای سووری و عەرەبی سەیردەكرا و لەلایەن هەندێكەوە بە (رابەری درامای سووری ) ناودەنرا.

    به‌ ئاماده‌بوونی سه‌رۆكی هه‌رێمی كوردستان مه‌سعود بارزانی، ده‌زگای مه‌دا نۆیه‌مین پێشانگای نێوده‌وڵه‌تی هه‌ولێر بۆ كتێبی كرده‌وه‌.  پێشانگاكه‌ به‌ چاودێری و ئاماده‌بوونی سه‌رۆكی هه‌رێمی كوردستان، به‌یانی ئه‌مڕۆ چوارشه‌ممه‌ 2 نیسان/ ئه‌پرێل 2014، له‌ پاركی سامی عه‌بدولرِه‌حمان كرایه‌وه‌ و بڕیار وایه‌ بۆ ماوه‌ی 10 رۆژ به‌رده‌وام بێت.

   ب هه‌لكه‌فتا رۆژا جیهانیا هه‌لبه‌ستێ و ب پشكداریا هه‌لبه‌ستڤانێن كورد، عه‌ره‌ب، توركمان و ئاشووری، فیسته‌ڤاله‌ك ل باژێرێ كه‌ركوكێ هات ل دارخستن.   ئه‌ڤ فیسته‌ڤاله‌ ل بن ناڤێ "كه‌لا ئارابخا"، ژ ئالیێ ئێكه‌تیا ئه‌دیب و نڤیسه‌رێن كه‌ركوكێ هات ل دراخستن.

فلمێ سينه‌مايي يێ ”وه‌رزێ كه‌ركه‌ده‌ن” ژ‌ ده‌رهێنانا سينه‌ماكارێ ناڤدارێ كورد به‌همه‌ن قوبادي ژ بال كۆمپانيا مه‌زنا بلاڤكرنێ يا ژاپۆني ”كۆميستاك گرووپ” ل سينه‌مايێن سه‌رانسه‌ري وه‌لاتێ ژاپۆنێ هاته‌ نيشاندان.

به‌مه‌به‌ستی به‌شداریكردنی له‌هه‌شته‌مین ڤێستیڤاڵی ئازادی و نه‌ورۆز، ژنه‌ هونه‌رمه‌ندی كورد شه‌هریبان كوردی گه‌یشته‌ شاری هه‌ولێر.

نامەیەک بۆ پاشا"ـي دەرهێنەری کورد هیشام زەمان، خەڵاتی باشترین فیلمی باکووری ئەورووپای لە فێستیڤاڵی فیلمی یۆتێبۆری لە وڵاتی سوید پێ بەخشرا.  ماڵپەڕی کوردی"NNSROJ" بڵاوی کردۆتەوە، ئەو خەڵاتە یەک ملیۆن کڕۆنییە، ساڵی رابردووش پێشکەش بە فیلمێکی دیکەی هیشام زەمان بە ناوی "بەر لەوەی بەفر ببارێ" کرابوو.

ب بۆنەیا 9مین ”رۆژا چیرۆکێیا جیھانێ” کو د 14سباتێ ھەر سال دەرباس دبە، و ل ھەموو جیھانێ ئەڤ رۆژ تێ پیرۆزکرن، ل ناڤەندا چاندێیا جەگەرخوین کۆمەلەیا نڤیسکارێن کورد چالاکیەک ل دارخست، د ب درووشما "ھەر کەس خوەدی چیرۆکەکێیە" گەلەک نڤیسەر و چیرۆکھەز بەشدار بوون، و دوو پانەل ھاتن پێشکێش کرن.

   ل ژێرچاڤدێريا ئه‌يووب ره‌مه‌زان رێڤه‌به‌ريا ره‌وشه‌نبيري و هونه‌ري ل دهۆكێ و بهه‌ڤكاري دگه‌ل سه‌نته‌رێ هه‌بوون، ل هۆلا پانۆراما ئازادي ل دهۆكێ رۆژا وه‌غه‌ركرنا هونه‌رمه‌ند عه‌بدولواحد زاخۆيي هاته‌ ساخكرن.

ل سەر داخوازیا شارەداریا باژارێ مەزن ل ئامەدێ، کۆما شۆرەشڤانیا ھونەری ھاتە ڤەخوەندن بۆ نەمایشکرنا شانۆیا ئەزۆپ ل ئامەدێ، د رۆژا 24-25-چلە دە ئەڤ شانۆ ھاتە نەمایشکرن، ب بەشدارەیک مەزن ژ خەلکێ ئامەدێ.

ل ئامەدێ 2یەمین پێشانگەھا باکور-کوزەی-نۆرپ ژ ئالیێ بەربژێرا شارەداریا باژارێ مەزنا ئامەدێ گولتان کشاناک ھاتە ڤەکرن. ئەڤ پێشەنگەھا دوەمە جارا ب ڤی شێوەیێ بەشداریا گەلەک ھونەرمەندان تێ لدارخستن ل گالەریا ھونەرێیا ئامەدێ ل سومەر پارک. پێشەنگەھ ب بەشداریا 35 ھونەرمەندێن شێوەکار و فۆتۆژەن و پێکەرساز ھاتە ل دارخستن و وێنە، پەیکەر، گرافیکێن خوە پێشان دان، و ژ 11 ھەیا 31 ھەیڤا کانوونێ دەریێ وێ ڤەکریە ژ تەماشەنان رە.  

كۆمه‌ڵه‌ی وێنه‌گرانی كوردستان له‌ شاری هه‌ولێر پێشانگایه‌كی هاوبه‌شی بۆ 32 فۆتۆگرافه‌ری هه‌ولێرو سلێمانی و دهۆك كرده‌وه‌.